Gultuvak

Гултувак — 1) ичига тупроқ солиб, гул кўкартириладиган махсус идиш. Аксари сополдан ясалиб, безак ва сир берилмайди. Гул ва ўсимликларга мослаштирилиб турли шаклларда ясалади. Туби тешик бўлади. Солинган сув тупроққа шимилиб, гултувакнинг тагига қўйилган идишга тушади;

2) безак мужассамотида гул, бута остидаги туваксимон нақш шакли. Амалий санъат (наққошлик, ганчкорлик ва бошқалар)да кенг қўлланади.

Адабиётлар

• ЎзМЕ. Биринчи жилд. Тошкент, 2000-йил