Gumbaz madrasa

Гумбаз мадраса
	Мадраса
	Гумбаз мадраса
Мамлакат	Ўзбекистон
Ҳудуд	Андижон вилояти
Шаҳар	Андижон
Мактаб йўналиши	сунний
Мулкдор	Давлат мулки
Мадраса тури	Ўрта
Меъморий услуб	Ўрта Осиё меъморчилиги
Бинокор	Қурамбой ибн Буваназар
Бинокорлик ташаббусчиси	Абдулҳамид Хўжа
	Асосий сана:; 1872-йил
Мақоми	Давлат ҳимоясида
Ҳолати	амалдаги

Гумбаз мадраса — Андижон вилоятидаги меъморий ёдгорлик (1872). Бош тарзидаги ёзувда маҳаллий бой Абдулҳамидҳожи буюртмаси асосида Буваназар ўғли Қурамбой раҳбарлигида қурилгани қайд этилган. Мадраса дастлаб икки қаватли, чортоқ тархли ҳужралар, масжид ҳамда дарсхона ва атрофи девор билан ўралган кичик ҳовлидан иборат бўлган (пештоқ-гумбазли бино ва икки қаватли ҳужралар сақланган). Бош тарзи бурчакларига безакдор мезана — гулдасталар қурилган. Дарвозахона ва ҳужралар томи гумбаз билан қопланган. Пештоқининг икки ёнидаги ҳужралар тепасидаги айвонлар шифти ҳовузақли. Пештоқ безакдор панжарали равоқлар тизмаси билан, усти эса кунгирадор безак билан якунланиб, икки ёнига устунгўшалар ишланган, ганч ва гириҳ нақш билан пардозланган. Равоқсимон, токчалари ичида ҳуснихат арабий ёзувлар, гулдор нақшлар ҳамда мадрасани таъмирлаган (1914) уста Сўфихон номи сақланган.