Guttapercha

Гуттаперча (инг . гуттаперча, малайя тилида гетаҳ — смола ва пертжа — шу смолани ажратиб чикарадиган дарахтнинг , шунингдек, Суматра о.нинг бир номи) — асосан тропик ўсимликлар ширасидан олинадиган каучуксимон модда. Мол. м. 2000—2500. Зичлиги 940–960 кг/м3, суюқланиш температураси 64—74°. Г. оқишкулранг ёки сарғиш-жигарранг чармсимон модда. Тоза Г. — гутта (С5Н8)п трансполиизопрен (90% гача) смола, оқсиллар, тузлар ва сувдан иборат юқори молекулали бирикма. Бересклет ва эвкоммия ўсимликларидан олинади. Г. спирт ва ацетонда эримайди, бензол, бензин, углерод сулфидда, хлороформда эрийди. 50—70° да юмшаб пластик ва ёпишқоқ елимсимон ҳолатга келади. Олтингугурт таъсирида каучук сингари вулканланади, сув ўтказмайди, электроизоляцион хоссаси юқори. Сув ости кабеллари учун ҳимоя материали сифатида ишлатилади.

Адабиётлар

• ЎзМЕ. Биринчи жилд. Тошкент, 2000-йил