Guyyan

Гуйян — Хитойнинг жан.ғарбидаги шаҳар, Гуйчжоу тоғлигида. Гуйчжоу провинсиясининг маъмурий маркази. Муҳим темир йўл ва автомобил йўллари тугуни. Аҳолиси 3,1 млн.дан зиёд киши (1998). Металлсозлик, машинасозлик, кимё, тўқимачилик, семент, ойна, ипакчилик, ёғочсозлик, қоғоз, кончилик саноатлари учун ускуналар ишлаб чиқарувчи заводлар ва б. саноат корхоналари бор. Гуйян яқинидан темир рудаси, кўмир ва аппатит қазиб чиқарилади. Гуйянда Хитой ФАнинг филиали, университет, қишлоқ хўжалиги ва б. институтлар бор.

Адабиётлар

• ЎзМЕ. Биринчи жилд. Тошкент, 2000-йил