Habibjon Xolbayev
Ҳабибжон Тожибоевич Холбаев (ўзбекча: Ҳабибжон Тожибаевич Холбаев[1]) – совет ва ўзбек зобити. „1-мусулмон баталони“ деб номланган қўмондон, 1979-йилда Амин саройига бостириб киришда қатнашган.
| Ҳабибжон Холбаев | |
|---|---|
| Таваллуди | 1947-йил |
| Фуқаролиги |
 Совет Иттифоқи Ўзбекистон |
| Хизматдаги йиллари | 1964-1998 |
| Унвони | Маёр |
| Мукофотлари |
 |
| Болалари | 7 |
Ҳаёти
Ҳабибжон Холбаев 1947-йилда туғилган. 1969-йилда В. И. Ленин номидаги Тошкент Олий қўшма қуролли қўшинлар қўмондонлик билим юртини тамомлаган.
Ўзбекистон ССР Тошкент вилояти Чирчиқ шаҳридаги 15-алоҳида бўлинма бригадасида ҳаво-десант тайёргарлиги бўйича баталён бошлиғининг ўринбосари лавозимида ишлаган.
1979-йилнинг апрел ойида 15-бригада негизида ташкил этилган ва ҳарбий муҳитда „Мусулмон баталони“ лақабини олган 154-махсус кучлар отрядига қўмондон этиб тайинланади. 10-декабрдан бошлаб ўзига бўйсунувчи отряд билан бирга Афғонистон Демократик Республикаси ҳудудида бўлган.
1979-йил 27-декабрда маёр Ҳабибжон Холбаев бошчилигидаги 154-отряд Тож беглар саройини эгаллаш учун 333-бўрон операциясида қатнашган. Амалиёт якунлари бўйича унинг раҳбари полковник Василий Колесник Холбаевга Совет Иттифоқи Қаҳрамони унвонини бериш тўғрисидаги таклифни имзолаган. Бироқ, у Ленин ордени билан тақдирланади[2].
Холбаев 1980-йилнинг 5-январига келиб, 154-отряд 15-бригада таркибида Чирчиқ шаҳридаги доимий жойлаштириш пунктига юборилган. 1980-йилнинг августигача отрядга қўмондонлик қилишда давом этади.
Кейинчалик у 15-бригада командирининг ҳаво-десант машқлари бўйича ўринбосари лавозимини эгаллайди.
1985-йилнинг март ойида 15-бригада қўмондонлиги Афғонистонга киритилгач, Холбаев Чирчиқдаги 15-бригада ҳарбий лагерида тузилган 467-алоҳида махсус кучлар ўқув полкига командир этиб тайинланган. 467-полк 40-армия таркибида махсус мақсадли ҳарбий қисмлар учун кичик мутахассисларни тайёрлаб, полкни 1987-йилга қадар бошқарган[3].
1998-йилда полковник унвони билан нафақага чиққан. Ўша пайтда Ўзбекистон Мудофаа вазирлиги инспекцияси бошлиғи лавозимини эгаллаган эди.
Оиласи
Холбаевнинг етти нафар фарзанди бор.
Манбалар
- ↑ Рустам Орипов. „Мутлақо махфий: “Шторм-333“ ёхуд “ажал ёмғири“ да қолган ўзбек ўғлонлари“. www.уза.уз (2020-йил 15-феврал). Қаралди: 2020-йил 21-июн.
- ↑ Сергей Козлов „Книга 3. Афганистан. Звёздный час спецназа. 1979—1989“, . Спецназ ГРУ: Очерки истории, 3000 экз, Москва: Русская панорама, 2013 — 42-бет. ИСБН 978-5-93165-324-2.
- ↑ 15 бригада Спецназ: люди и судьбы. Афганистан глазами очевидцев.. М.: НПИД «Русская панорама», 2009 — 104, 116-бет. ИСБН 978-5-93165-239-9.