Hail viloyati
Ҳаил вилояти (арабча: مِنْطَقَة حَائِل Минṭақат Ḥāʾил), Ал-Ҳаил вилояти шакли ҳам қўлланади, Саудия Арабистони Подшоҳлигининг 13 вилоятидан бири. Минтақа 103,887 км2 (40,111 кв ми) майдон билан саккизинчи йирик ва аҳоли сони бўйича тўққизинчи ўринда, 2019-йилда аҳоли сони 731,147 кишини ташкил этган. Вилоятда мамлакат аҳолисининг қарийб 2 фоизи яшайди ва энг йирик шаҳри Ҳаилдир. Вилоятдаги бошқа аҳоли гавжум шаҳарлар қаторига ал-Ғазала, Шинан ва Бақаа киради. Минтақа Ажа ва Салма қўш тоғ тизмалари, шунингдек, қизиқувчанлик ва саховатнинг тарихий рамзи бўлган Ҳатим ат-Таъи ватани бўлгани билан машҳур.
|
| ||
| Минтақа | ||
|---|---|---|
| Таркибида |
 Саудия Арабистони | |
| Маъмурий маркази | Ҳаил | |
| Амин | Абдулазиз бин Саад Ал Сауд | |
| Расмий тили | араб | |
| Аҳоли (2017) | 699 774 | |
| Майдони | 103 887 км² (9-ўрин) | |
| Харитада | ||
 | ||
Вилоят географик ва тарихий жиҳатдан муҳим Ажа ва Салма тоғ тизмалари жойлашганлиги билан машҳур бўлиб, улар ҳозир Саудия ёввойи табиатни муҳофаза қилиш бошқармаси томонидан ҳимояланган. Бундан ташқари, вилоятда бир нечта тош санъати ҳудудларини топиш мумкин, уларнинг иккитаси ЮНЕСКОнинг Жаҳон маданий мероси рўйхатига киритилган: Жубба ва Жабал ал-Манжур яқинидаги Жабал Умму Синмон[1]. Минтақада, айниқса марказ Ҳаил ва унинг атрофида бир нечта эски қал’алар ва қўрғонларни топиш мумкин[2]. Вилоятдаги яна бир муҳим жой – бу Нафуд ал-Кабир формацияси каби қумтош ҳосилаларидир[3].
Ҳудудда одамлар палеолит давридан бери яшаб келганлиги маълум, милоддан аввалги 10000 йилдан 7500 йилгача бўлган даврларга оид бир нечта археологик масканлар мавжуд. Вилоятда археологик қоятош санъати ва бошқа артефактлар бўлган бир қанча масканлар топилган. Вилоятда Шаммар қабиласи аъзолари истиқомат қилади, улар 1791-йилдан 1922-йилгача вилоятни ва унинг атрофидаги бошқа ҳудудларни Жабал Шаммар амирлиги ҳукмронлиги остида бошқарган. Ҳукмронлик то подшоҳ Абдулазиз ҳудудни босиб олгунига қадар давом этган.
Вилоят 8 муҳофазага бўлинган ва шаҳар аҳолисининг учдан икки қисмидан кўпроғи марказ Ҳаилда истиқомат қилади. Амалдаги вилоят амири – Абдулазиз ибн Саъад ас-Сауд. Шимолдан соат йўналиши бўйича Шимолий чегаралар вилояти, Шарқий, Ал-Қассим, Мадина, Табук ва Ал Жавф вилоятлари билан чегарадош.
Демографияси
| Йил | Аҳоли | ±% |
|---|---|---|
| 1992 | 411,284 | — |
| 2004 | 526,882 | +28.1% |
| 2010 | 605,93 | +15.0% |
| 2017 | 699,774 | +15.5% |
Маъмурий бўлиниши
Муҳофазалар
| Номи |
|---|
| Ҳаил амирлиги |
| Бақ’а амирлиги |
| Ғазал амирлиги |
| Шанан амирлиги |
| Сумайра амирлиги |
| Мавқақ амирлиги |
| Шамли амирлиги |
| Сулайми амирлиги |
| Ҳаит амирлиги |
Амирлар
| Исм | Лавозими даври |
|---|---|
| Шаммар вилоятидан олдин
(лавозим белгиланган) | |
| Муқрин ибн Абдулазиз Ал-Сауд | 1980—1999 |
| Сауд бин Абдул Муҳсин Ал-Сауд | 1999—2017-йиллар |
| Абдулазиз ибн Саъад бин Абдулазиз Ал-Сауд | 2017—ҳоз. |
Манбалар
- ↑ Cентре. „Роcк Арт ин тҳе Ҳаил Регион оф Сауди Арабиа“ (эн). УНЕСCО Wорлд Ҳеритаге Cентре. Қаралди: 2019-йил 5-феврал.
- ↑ „Ҳаил (Cитй)“ (эн-УС). Сауди Арабиа Тоурисм Гуиде (2019-йил 24-май). Қаралди: 2020-йил 18-август.
- ↑ „Ҳа'ил Провинcе“ (эн-УС). Сауди Арабиа Тоурисм Гуиде (2016-йил 21-феврал). Қаралди: 2020-йил 18-август.
Ҳаволалар
 |
Викиомборда „Ҳаил вилояти“ мавзуси бўйича медиафайллар бор. |
- Ажойиб Арабистоннинг Ҳаил вилояти бўйлаб саёҳат: фотосуратлар ва маршрутлар билан саёҳат сайти
 | Саудия Арабистони географияси оид уşбу мақола çаладир. Сиз уни бойитиб, ЗиёСферага ёрдам бериşингиз мумкин. |