Ziyosfera

Hakan Fidan

Hakan Fidan (1968-yil 17-iyul, Anqara, Turkiya) — turk diplomati, Turkiya tashqi ishlar vaziri, Turkiya xavfsizlik xizmatining sobiq rahbari.

 Turkiya tashqi ishlar vaziri
 
Mansab davri
2023-yil 3-iyun
Prezident Recep Tayyip Erdoğan
Avvalgisi Mevlüt Çavuşoğlu
Shaxsiy maʼlumotlari
Tavalludi 1968-yil 17-iyul (1968-07-17) (58 yosh)
Anqara, Turkiya
Siyosiy partiyasi Adolat va Taraqqiyot partiyasi
Turmush oʻrtogʻi Nuran Fidan
Bolalari 3
Taʼlim Maryland universiteti
Bilkent universiteti
Dini islom (sunniylik)
Mukofotlari III darajali Xizmatlari uchun ordeni
Imzosi
Harbiy xizmat davri 1986—2001
Mamlakat Turkiya bayrogʻi Turkiya
Qoʻshin turi Turkiya quruqlikdagi qoʻshinlari
Harbiy unovoni Master serjant

Tarjimayi holi

Hakan Fidan 1968-yil 17-iyulda Turkiyaning Anqara shahrida tugʻilgan. Otasi Varto shahridan boʻlgan (Muş viloyati) etnik kurd, onasi esa denizlilik turk boʻlgan[1]. Fidanning otasi kurdlarning Hasaniy qabilasiga mansub[2], ammo Hakan Fidan oʻzini turk millatiga mansub deb hisoblaydi[3]. Fidan kurd tilida erkin soʻzlasha oladi[4]. Maryland shtati universitetida boshqaruv va siyosatshunoslik boʻyicha magistraturani tugatgandan soʻng, Fidan Bilkent universitetida fan doktori darajasini olgan. 1986—2001-yillarda Turkiya armiyasida unter-ofitser boʻlib xizmat qilgan. 2003—2007-yillarda Turkiya hamkorlik va muvofiqlashtirish agentligini (turkcha: Türk İşbirliği ve Koordinasyon Ajansı Başkanlığı) boshqargan. 2007-yil noyabr oyida Fidan Vazirlar mahkamasida davlat kotibining oʻrinbosari etib tayinlanadi[5]. 2010-yil 27-maydan 2015-yil 10-fevralgacha Turkiya xavfsizlik xizmati rahbari boʻlgan. Turkiya parlamenti saylovlarida Adolat va taraqqiyot partiyasidan oʻz nomzodini qoʻyish uchun lavozimini tark etgan. 2015-yil 9-martda Fidan oʻz nomzodidan voz kechib, avvalgi lavozimiga qaytadi. 2009-yilda Hakan Fidan Osloda Kurdiston ishchi partiyasi bilan yashirin tinchlik muzokaralarida ishtirok etgan hamda Abdullah Öcalan bilan suhbatlashgan[6][7]. Rossiyaning Ukrainaga keng koʻlamli bostirib kirishi paytida Fidan Ukraina va Rossiya Federatsiyasi oʻrtasida harbiy asirlarni almashish boʻyicha muzokaralarda ishtirok etgan. 2022-yil oktyabr oyida Ukraina prezidenti ofisi raisi Andrey Yermak Fidanga „215 nafar harbiyni ozod qilishga yordam bergani va Turkiyadagi Azovstal himoyachilari uchun sharoit yaratgani uchun“ minnatdorchilik bildiradi[8]. 2023-yil 3-iyunda Fidan Turkiyaning 67-Vazirlar mahkamasi (hukumati) tomonidan Turkiya tashqi ishlar vaziri etib tayinlanadi[9]. Nuran Fidan bilan turmush qurgan. Uch nafar farzandi bor.

Mukofotlari

Hakan Fidan Ukraina hukumati tomonidan „davlatlararo hamkorlikni mustahkamlash, Ukrainaning davlat suvereniteti va hududiy yaxlitligini qoʻllab-quvvatlash, Ukraina davlatini dunyoga tanitishga qoʻshgan ulkan shaxsiy hissasi uchun“ III darajali „Xizmatlari uchun“ ordeni (2022-yil 4-noyabr, Ukraina)[10], „Ozarbayjon doʻsti“ oltin ordeni (2024-yil, „Mening Ozarbayjonim“ jurnali)[11], „Yoshlar tashkilotlari ishini faollashtirishni qoʻllab-quvvatlagani uchun“ Islom konferensiyasi tashkiloti huzuridagi Yoshlar tashkilotining maxsus sertifikati (2007-yil)[12] bilan taqdirlangan.

Manbalar

  1. ↑ Russia; Kremlin, Turkish intelligence chief Hakan Fidanand Turkish Defense Minister Hulusi Akar wait prior to a meeting with Russian President Vladimir Putin at the; Aug. 24; Images, 2018-Alexander Zemlianichenko/AFP via Getty; Moscow. „Who is Hakan Fidan, Turkey’s new foreign minister with spy powers? - Al-Monitor: Independent, trusted coverage of the Middle East“ (inglizcha). www.al-monitor.com (2023-yil 4-iyun). 2026-yil 14-aprelda asl nusxadan arxivlangan. Qaraldi: 2026-yil 14-aprel.
  2. ↑ „İlk kez duyacaksınız! Hakan Fidan'ın aşiretinin 2. Abdülhamid ile bağlantısı ve Osmanlı paşası akrabaları“. m.yeniakit.com.tr. 2026-yil 14-aprelda asl nusxadan arxivlangan. Qaraldi: 2026-yil 14-aprel.
  3. ↑ „Suriye'de kritik zirve sonrası önemli açıklama... Dışişleri Bakanı Hakan Fidan: PKK terör örgütüne Suriye'de yer yok“ (turkcha). TRHaber (2024-yil 22-dekabr). 2026-yil 25-aprelda asl nusxadan arxivlangan. Qaraldi: 2026-yil 14-aprel.
  4. ↑ „Hakan Fidan Kürt mü? Hakan Fidan'ın babası nereli? Kürtçe konuşması“ (turkcha). Çankırı Haber, Son Dakika Çankırı Haberleri, Haber 18. 2025-yil 18-yanvarda asl nusxadan arxivlangan. Qaraldi: 2026-yil 14-aprel.
  5. ↑ Hakan Fidan kimdir? Özgeçmişinde neler var? İşte engenç MİT Başkanı'nın özgeçmişi (Wayback Machine saytida 2015-12-19 sanasida arxivlangan) , Vatan, 2012-yil 11-fevral
  6. ↑ Profile: Turkey’s 'secret-keeper' Hakan Fidan , Al Jazeera, 2013-yil 22-mart
  7. ↑ Investigation of Turkish Intelligence head wonʼt proceed, says prosecutor, Hurriyet, 2013-yil 22-mart
  8. ↑ Бедрак, Вікторія „Сприяв обміну захисників Азовсталі. Новим главою МЗС Туреччини став Хакан Фідан“. https://fakty.com.ua/ (2023-yil 4-iyun). 2026-yil 14-aprelda asl nusxadan arxivlangan. Qaraldi: 2026-yil 14-aprel.
  9. ↑ „Turkish leader Erdoğan announces presidential cabinet of new term“ (inglizcha). anews. 2026-yil 13-aprelda asl nusxadan arxivlangan. Qaraldi: 2026-yil 14-aprel.
  10. ↑ „Указ Президента Украины от 4 ноября 2022 года № 752/2022 «О награждении государственными наградами Украины»“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
  11. ↑ „Министр иностранных дел Турецкой Республики Хакан Фидан награждён золотым орденом «Друг Азербайджана»“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
  12. ↑ МОЛОДЕЖЬ ИГРАЕТ АКТИВНУЮ РОЛЬ В ИНТЕГРАЦИИ НАРОДОВ ТЮРКОЯЗЫЧНЫХ СТРАН 
"https://new.ziyosfera.uz/ziyo/Hakan_Fidan" dan olindi