Halima Ahmedova
Ҳалима Аҳмедова — шоира, Ўзбекистон ёзувчилар уюшмаси аъзоси, кўплаб шеърий китоблар муаллифи[1].
| Ҳалима Аҳмедова | |
|---|---|
| Таваллуди |
1960-йил 1-октябр Пўлот қишлоғи, Қизилтепа тумани, Бухоро (ҳозирги Навоий вилояти, Ўзбекистон |
| Фуқаролиги |
 УЗБ |
| Миллати | Ўзбек |
| Соҳаси | шоира, публицист, журналист |
| Машҳур ишлари |
„Нигоҳ қибласи“ „Ёсуман гулининг сояси“ „Ташбеҳ“ |
Таржимайи ҳоли
Ҳалима Аҳмедова — 1960-йил 1-октябрда Бухоро вилояти (ҳозирги Навоий вилояти)нинг Қизилтепа тумани Пўлоти қишлоғида туғилган. Мактабни тугатиб, 1978–1983-йилларда Тошкент давлат университети (ҳозирги ЎзМУ)нинг филология факултетида, 1988–1991-йилларда Москвадаги Олий адабиёт курсида таҳсил олган[2].
Фаолияти
Меҳнат фаолиятини дастлаб ўқитувчиликдан бошлаб, Навоий шаҳар педагогика билим юртида дарс берган. Журналистикага бўлган меҳри уни „Дўстлик байроғи“ газетасига етаклайди. 1984–1985-йилларда газета таҳририятида, 1986–1988-йиллари Ғафур Ғулом номидаги Адабиёт ва санъат нашриётида муҳаррир вазифасида фаолият юритган.
1988–1990-йиллари Москвадаги Олий адабиёт курсида таҳсил олган. 1990–1991-йиллари Ўзбекистон Ёзувчилар уюшмаси қошидаги адабиёт жамғармасида, 1994–1998-йиллари „Тонг юлдузи“ газетасида ишлаган. 1998-йилдан Ўзбекистон радиосида муҳаррир лавозимида фаолиятини давом эттирмоқда[3].
Ижоди
Шоиранинг илк китоби 1986-йили „Кўзимнинг тили“ номи билан чоп этилган. Кейинчалик қуйидаги китобларни нашрдан чиқарган:
- 1987-йили „Тунги марваридгуллар“;
- 1996-йили „Эрк дарчаси“;
- 2005-йили „Тийрамоҳ“;
- 2007-йили „Афсун“;
- 2008-йили „Умид сояси“;
- 2011-йили „Нигоҳ қибласи“;
- 2012-йили „Шафақ ибодати“;
- 2013-йили „Ёсуман гулининг сояси“;
- 2016-йили „Яшил“, „Ташбеҳ“ сингари китоблари нашр этилган.
Мукофоти
Ҳалима Аҳмедова Лондонда ўтказилган „Марказий Осиё китоб форуми ва адабиёти фестивали“нинг „Адабий асар“ номинациясидаги мукофотига сазовор бўлган.