Hamdam Usmonov

Зиёсферада исми Ҳамдам ва фамилияси Усмонов бўлган бошқа кишилар ҳақида ҳам мақолалар мавжуд.

Ҳамдам Усмонович Усмонов (1916.16.10 Тошкент 1994-йил, 7-май) — кимёгар олим, Ўзбекистон Фанлар академияси академик (1966). Ўзбекистонда хизмат кўрсатган фан ва техника арбоби (1966). Кимё фанлари доктори (1954), профессор (1955). Ўрта Осиё университетни тугатган (1937). Уруш қатнашчиси (1941—45). Университет физик кимё кафедраси доценти (1946—54), лаборатория мудири (1954—73). Ўзбекистон Фанлар академияси Кимё институти директори (1952 — 56), Ўзбекистон Фанлар академияси Ўсимлик моддалари кимёси институти директори (1956—59), Ўзбекистон Фанлар академияси Полимерлар кимёси институти директори (1959—62). Ўзбекистон Фанлар академияси Президиуми аъзоси ва кимё фанлари бўлими акад.котиби (1962—64). Пахта селлюлозаси кимёси ва технологияси илмий тадқиқот института директори ва лаборатория мудири (1963—82), бош маслаҳатчи (1982-йилдан). Илмий ишлари селлюлоза кимёси ва физикаси, пахта толаси, линти, чиқиндилари ва фторполимерларни ўрганишга оид.

У. раҳбарлигида пахта селлюлозаси олишнинг жаҳон стандартлари талабларига жавоб берадиган бир қанча технологик тизимлари ишлаб чиқилган. Ғижимланмайдиган газмол ишлаб чиқариш технологияси, тиббиёт полимерлари, фторли полимерлар ва бошқа амалиётга жорий қилинган. Беруний номидаги Ўзбекистон Республикаси Давлат мукофоти лауреати (1977).

Манбалар

• Электронная Т., 1962; Перспективи химической переработки отходов хлопководства (в соавторстве), М., 1964; Световая и электронная микроскопия структурних преврашений хлопка (в соавторстве), Т., 1974; Надмолекулярная структура гидрацеллюлозних волокон (в соавторстве), Т., 1974.

Адабиёт

• Ахмеров К,., Ўзбекистон кимёгарлари, Т., 1974; Ҳамдам Усмонович Усмонов (биобиблиография), Т., 1976.