Ziyosfera

Hanamaki (Ivate)

Ҳанамаки (японча: 花巻市, Ҳанамаки-ши?) Япониянинг Ивате префектурасида жойлашган шаҳар. 2020-йил 31-март ҳолатига кўра, шаҳарнинг 37 773 хонадонида 94,691 киши истиқомат қилади ва ҳар бир квадрат километрга 100 киши тўғри келади[1]. Шаҳарнинг умумий майдони 908.39 км[2]. Ҳанамаки шаҳри Кендзи Миядзаванинг туғилган жойи. Шаҳарда яна онсен дам олиш масканлари ҳам жойлашган.

Ҳанамаки

花巻市
Шаҳар
Skyline of Hanamaki
Hanamaki
Байроқ
Hanamaki
Герб
Мамлакат Япония
Провинсия Тоҳоку вилояти
Префектура Ивате префектураси
Ҳукумат
Майдон 908.39 км2 (350.73 кв ми)
Аҳолиси
 (2019-йил 31-март)
 94 691
Эммандзи-канондан шаҳар кўриниши

Географияси

Ҳанамаки Ивате префектурасининг марказий қисмида, Китаками дарёси водийсида, Китаками дарёси билан учта: шарқда Саругаиси-гава, ғарбда Се-гава ва Тоёсава-гава дарёлари қўшилган жойда жойлашган. Ғарбда шаҳар Оу тоғлари этакларигача кўтарилиб боради ва энг баланд чўққиси Мацукура тоғи бўлиб, 968 метр (3,176 фт) ташкил этади. Шарқда шаҳар ҳудуди Китаками тизмасининг энг баланд чўққиси – Ҳаячинеда 1,917 метр (6,289 фт) гача кўтарилади. Энг катта сув омбори Саругаиси дарёсидаги Тасе кўлидир. Ҳиэнуки дарёсидаги Ҳаячине кўли жуда ажойиб бўлиб, юқори қисмида тик тоғлар кўтарилиб туради. Тоёсава кўли шаҳарнинг ғарбий қисмид6а Тоёсава дарёси бўйида жойлашган. Шаҳарнинг бир қисми Ҳаячине квази-миллий боғи чегаралари бўйлаб жойлашган. Оу тоғларининг чеккасидаги 12 та иссиқ булоқ занжири эса Ҳанамаки Онсенкё қишлоғини ташкил қилади.

Қўшни муниципалитетлар

Ивате префектураси:

  • Мориока
  • Китаками
  • Тоно
  • Ошу
  • Мияко
  • Нисивага
  • Сизукуиси
  • Сива

Иқлими

Ҳанамаки нам иқлимли бўлиб (Кöппен иқлим таснифи Cфа), юмшоқ ёз ва совуқ қиш билан тавсифланади. Ҳанамакидаги ўртача йиллик ҳарорат 10.4 °C (50.7 °Ф). Йиллик ўртача ёғин миқдори 1,324 миллиметр (52.1 ин) энг серёғин ой сентябр. Энг юқори ҳарорат августда 24.0 °C (75.2 °Ф) ни ва энг пасти январда, тахминан −2.3 °C (27.9 °Ф) ни ташкил этади[3].

Демографияси

Япония аҳолини рўйхатга олиш маълумотларига кўра[4], Ҳанамаки аҳолиси 2000-йилда энг юқори кўпайиш чўққисга чиққан ва шундан бери камайиб келмоқда.

Аҳолининг ўсиши
ЙилАҳоли±%
192069,11—    
193079,108+14.5%
194083,401+5.4%
1950102,933+23.4%
1960105,687+2.7%
1970101,858−3.6%
1980105,678+3.8%
1990106,727+1.0%
2000107,175+0.4%
2010101,451−5.3%
202093,193−8.1%

Тарихи

Ҳозирги Ҳанамаки ҳудуди қадимги Муцу провинсиясининг бир қисми бўлиб, бенг камида Дзёмон давридан бери мавжудлиги тахмин қилинади. Ҳудуд Токугава сёгунлиги ҳукмронлиги остида бўлган Намбу кланининг назоратига ўтишидан олдин, турли самурай кланлари томонидан бошқарилган. Шаҳар Эдо даврида Осу Кайдо йўлида почта станцияси сифатида ривожланган.

Меидзи даврида, 1889-йил 1-апрелда замонавий муниципалитетлар тизимининг ташкил этилиши билан Иватенинг Ҳиэнуки туманида замонавий Ҳанамаки ва Ҳанамаки-Кавагучи шаҳарлари ташкил этилган. Бу икки шаҳар 1929-йил 10-апрелда бирлаштирилган, бирлаштирилгач муниципалитет аввалги Ҳанамаки номини сақлаб қолган. 1954-йил 1-апрелда Югучи, Юмото, Мияноме, Ясава ва Оҳта қишлоқлари Ҳанамакига қўшиб олинган. Кейинги йили Сасама номли қишлоқ қўшилган.

2006-йил январ ойида Ҳанамаки Исидория, Оҳасама шаҳарлари билан бирлашган ва шу тариқа Ҳиэнуки ва Вага туманларидаги Това шаҳри тарқатиб юборилган[5].

Ҳукумати

Ҳанамаки тўғридан-тўғри сайланадиган мер ва 25 аъзодан иборат бир палатали шаҳар қонун чиқарувчи органи ҳисобланган мер-кенгаш шаклига эга. Ҳанамаки Ивате префектураси қонун чиқарувчи органига тўртта ўрин беради. Миллий сиёсий нуқтаи назаридан, шаҳар Япония Диэт қуйи палатаси бўлмиш Иватенинг 3-округига киради.

Иқтисодиёти

Қишлоқ хўжалиги, хусусан, сут чорвачилиги маҳаллий иқтисодиётда устунлик қилади. Ҳанамаки, шунингдек, электр жиҳозлари ишлаб чиқарилувчи ҳудуд сифатида ҳам қайд этилган. Ҳудуд кўплаб онсен (иссиқ булоқ) курортлари билан ҳам машҳур[6].

Таълими

Ҳанамаки шаҳрида Фудзи хусусий университети жойлашган.

Шаҳар ҳукумати 19 та давлат бошланғич мактаби [7] ва 11 та давлат ўрта мактабини бошқаради[8]. Ивате префектураси таълим кенгаши томонидан бошқариладиган еттита давлат юқори мактаби мавжуд. Префектурада битта махсус таълим мактаби ҳам бор[9].

Транспорти

Темир йўллари

Шарқий Япония темир йўл компанияси (ЖР Шарқ) – Тоҳоку Синкансен

  • Син-Ҳанамаки

Шарқий Япония темир йўл компанияси (ЖР Шарқ) – Тоҳоку магистрал линияси

  • Ҳанамаки – Ҳанамаки аэропорти – Исидория

Шарқий Япония темир йўл компанияси (ЖР Шарқ) – Камаиси линияси

  • Син-Ҳанамаки – Оямада – Цучизава – Ҳаруяма

Магистрал йўллари

  • Тоҳоку тезюрар йўли – Ҳанамаки тўхташ жойи – Ҳанамаки-минами алмашинуви – Ҳанамаки қўшилмаси – Ҳанамаки алмашинуви
  • Камаиси тезюрар йўли – Ҳанамаки қўшилмаси – Ҳанамаки аэропорти алмашинуви – Това алмашинуви
  • 4-миллий йўналиши
  • 107-миллий йўналиши
  • 283-миллий йўналиши
  • 396-миллий йўналиши
  • 456-миллий йўналиши

Аэропорти

  • Ҳанамаки аэропорти

Маҳаллий диққатга сазовор жойлари

Ҳанамаки тарихан ўзининг кўплаб онсенлари (иссиқ булоқлари) билан машҳур. Шаҳарда чанғи пойгаси ҳам мавжуд.

Ҳанамакининг энг диққатга сазовор воқеаларидан бири бу Ҳанамаки Мацури фестивали бўлиб, ҳар йили сентябр ойининг иккинчи ҳафтаси охирида бўлиб ўтади ва тарихи 1593-йилга бориб тақалади. Уч кунлик байрамлар мингдан ортиқ анъанавий раққосаларнинг рақсини; юздан ортиқ кичик зиёратгоҳларни зиёрат қилишни; тарихий, хаёлий ёки афсонавий саҳналарни акс эттирувчи ва барабанчилар, найчилар ва фонарчилар ҳамроҳлигида ўнлаб ёки ундан кўп катта қўлда ясалган сузувчи сузгичлар намойишини ўз ичига олади. Бу рақслардан энг машҳури Сиси Одори (кийик рақси) ҳисобланади. Бу рақс эркаклар кийикдек кийиниб, барабан чалишини ўз ичига олади.

Шаҳарнинг яқинда бирлашиши билан Ҳанамакига қўшилган шаҳарларининг диққатга сазовор жойларига даъво қилмоқда. Оҳасама анъанавий Кагура рақсининг маҳаллий турлари билан машҳур. Кагура раққосалари кўпинча минтақавий фестивалларда ёки тадбирларда қатнашади. Оҳасама шаҳри яқинидаги тепада Ҳаячине Кагура раққосалари кийган бўрига ўхшаш либослар ҳайкали ўрнатилган. Ҳаячине тоғи, 1917-йилдан Ивате префектурасидаги иккинчи энг баланд тоғи бўлиб, Оҳасаманинг шимоли-шарқий қисмида жойлашган. Бу ҳудудда минтақада машҳур Эдел шароби тайёрланади. Ҳар йили сентябр ойида Оҳасама вино уйида вино фестивали ҳам бўлиб ўтади. Япониядаги қизлар фестивали пайтида Оҳасама ўзининг кўпчилиги бир неча юз йилликларга бориб тақаладиган қўғирчоқлар коллексиясини намойиш этади. Маҳаллий тарих шуни кўрсатадики, қўғирчоқлар Охасама аҳолисига Хоккайдога савдо қилиш учун кетаётган киотолик саёҳатчилар томонидан берилган бўлиши мумкин. Ишидория Намбу Тожи анъанаси билан боғлиқ саке пишириш тарихига эга.

Халқаро муносабатлар

Ханамаки билан бирлашган собиқ шаҳарларнинг ҳар бири ўз-ўзидан алмашувлар олиб борди, уларнинг аксарияти янги Ҳанамаки шаҳри томонидан эгаллаб олинган. Оҳасама Берндорф билан жуфт эди. Ҳаячине тоғида фақат Ҳаячине тоғида ўсадиган Ҳаячине Усуюкисо деб номланган эделвейснинг ўзига хос тури яшайди. Айнан шу гул туфайли Охасамадаги алпинистлар Қуйи Австриянинг Берндорф шаҳридан келган алпинистлар билан дўстлик алоқаларини ўрнатдилар. Ишидория Вермонт штатидаги Рутленд билан жуфт бўлди.

Ҳанамакининг таниқли одамлари

  • Кои Икено, манга рассоми
  • Масанори Ито (мусиқа танқидчиси) [12]
  • Эл Самурай, профессионал курашчи [13]
  • Шункичи Кикучи, фотограф [14]
  • Казухиро Хатакеяма, профессионал бейсболчи
  • Тецугоро Ёрозу, рассом [15]
  • Кенжи Миязава, ёзувчи [16]
  • Шоҳеи Охтани, профессионал бейсболчи

Манбалар

  1. ↑ Ҳанамаки Cитй оффиcиал статистиcс
  2. ↑ „www.мачимура.мафф.го.жп“ (жа). 市町村の姿 グラフと統計でみる農林水産業. Министрй оф Агриcултуре, Форестрй анд Фишериэс (2016). Қаралди: 2017-йил 13-апрел.
  3. ↑ Ҳанамаки cлимате дата
  4. ↑ Ҳанамаки популатион статистиcс
  5. ↑ Ҳанамаки Cитй Ҳоме паге:Ёкосо! Ҳанамаки (Wайбаcк Мачине сайтида 2017-06-19 санасида архивланган) (японча)
  6. ↑ Cампбелл, Аллен. Жапан: Ан Иллустратед Энcйcлопедиа. Коданша, 1993 — 497-бет. ИСБН 406205938Х. 
  7. ↑ Ҳанамаки cитй ҳоме паге: Лист оф элементарй счоолс (Wайбаcк Мачине сайтида 2017-11-09 санасида архивланган)(японча)
  8. ↑ Ҳанамаки cитй ҳоме паге: Лист оф жуниор ҳигҳ счоолс (Wайбаcк Мачине сайтида 2017-11-09 санасида архивланган)(японча)
  9. ↑ Ҳанамаки Сеифу Шиэн-Гакко (японча)
  10. ↑ „Вереин Стäдтепартнерсчафтен дер Стадт Берндорф“ (де). Оффиcиал ҳоме паге оф Стадт Берндорф (2005). Қаралди: 2015-йил 12-декабр.
  11. ↑ „Интернатионал Эхчанге“ (эн). Лист оф Аффилиатион Партнерс wитҳин Префеcтурес. Cоунcил оф Лоcал Аутҳоритиэс фор Интернатионал Релатионс (CЛАИР). Қаралди: 2015-йил 21-ноябр.
  12. ↑ „伊藤政則 - Тоwер Реcордс Онлине“.
  13. ↑ Wорлд оф Wрестлинг профиле
  14. ↑ ["Кикучи Шункичи". Ниҳон шашинка житен (日本写真家事典) / 328 Оуцтандинг Жапанесе Пҳотограпҳерс. Кёто: Танкōша, 2000. ИСБН 4-473-01750-8
  15. ↑ [„Арчивед cопй“. 2011-йил 27-сентябрда асл нусхадан архивланган. Қаралди: 2010-йил 15-январ. Биограпҳй он Иwате Префеcтурал ҳоме паге]]
  16. ↑ Коданша Энcйcлопедиа оф Жапан артиcле „Миязаwа Кенжи“ (п. 222–223). 1983. Токё: Коданша.

Ҳаволалар

Викиомборда „Ҳанамаки (Ивате)“ мавзуси бўйича медиафайллар бор. 
"https://new.ziyosfera.uz/ziyo/Hanamaki_(Ivate)" dan olindi