Hans von Euler-Chelpin

Ҳанс Карл Аугуст Симон вон Эулер-Челпин (1929)

Эйлерхелпин Ганс Карл Август Симон фон (1873.15.2, Аугсбург, Германия — 1964-йил, 11-июн) — швед биокимёгари. Швеция Қироллик Фанлар академияси аъзоси (1914-йилдан). Берлин университетини тугатган (1885). Гёттинген (1896—97), Стокголм (1898-йилдан) университетларида ишлаган (1906-йилдан профессор). Стокголм университетининг Биокимё институти (1929—37), Органик кимё институти (1938—48), айни вақтда (1940-йилдан) Витамин институти директори. Асосий илмий ишлари биокимё жараёнлари механизмини ўрганишга оид. Ферментларни тадқиқ қилган (1905—40). Тирик организмларда ферментлар таъсирида кимёвий реаксиялар тезлигининг ортишини аниклаган ва бу жараённи биокатализ деб аташни таклиф этган. Каротиннинг физологик фаоллиги жиҳатдан А витаминга яқинлигини топган (1928). Биокимёвий шишларни ўрганишга катга ҳисса қўшган. Нобел мукофоти лауреати (1929; А. Гарден билан ҳамкорликда).