Harold Urey

Ҳаролд Урей (1934)

Юри Гаролд Клейтон (1893.29.4, Уолкертон, Индиана штати — 1981-йил, 1-июн) — америкалик физик-кимёгар. АҚСҲ Миллий Фанлар академияси аъзоси (1935-йилдан). Монтана университетини тугатган (1917), Берклидаги Калифорния университети (1921-йилдан), Балтимордаги Ж.Хопкинс университети (1924-йилдан), Ню-Ёркдаги Колумбия университети (1934-йилдан) профессор 1945-йилдан Чикаго унтида, 1958— 70 йилларда Сан-Диегодаги Калифорния университетида (1972-йилдан фахрий профессор) ишлаган. Асосий илмий ишлари изотоплар кимёси, гео ва космокимёга оид. Спектроскопия усулини қўллаб дейтерийхт очган (1932, Ф.Брикведде ва Г.Мёрфи билан ҳамкорликда). Уран235 ва уран238 изотопларининг бўлиниш усулларини ишлаб чиққан. Унинг лабораторияда сув буғлари, водород ва аммиак билан метан аралашмаси орқали электр ёйи ўтказилганда аминокислоталар ҳосил бўлиб, уларни атмосферада ҳам синтез қилиш мумкинлиги исботланган (1950). Нобел мукофоти лауреати (1934).