Hind binti Avf
Ҳинд бинти Авф (арабча: هند بنت عوف) — Муҳаммаднинг қайнонаси[1]. Бир неча саҳобаларнинг онаси, қайнонаси ва бувиси бўлгани боис „ер юзидаги энг улуғ қайнона“ сифатида танилган. Шунингдек, Хавла номи билан ҳам маълум[2].
| Ҳинд бинти Авф | |
|---|---|
| هندة بنت عوف ابن زهير | |
| Таваллуди |
Ҳинд бинти Авф ибн Зуҳайр тах. милодий 560 |
| Вафоти |
610-йилгача Ҳижоз, Арабистон (ҳозирги Саудия Арабистони) |
| Машҳур ишлари | Муҳаммад пайғамбарнинг қайнонаси |
| Турмуш ўртоғи |
|
| Болалари |
|
| Отаси | Авф ибн Зуҳайр |
| Онаси | Ойша бинти Муҳаззам |
| Қариндошлари |
Ўгай фарзандлари:
Куёвлари: |
Оиласи
Ҳинднинг отаси Авф ибн Зуҳайр ибн ал-Ҳорис ибн Ҳумота ибн Журайш/Жарш Ямандаги Ҳимяр қабиласидан эди. Онаси эса Ойша бинти ал-Муҳаззам бўлган[3].
Никоҳлари ва фарзандлари
Ҳинд бинти Авф тўрт марта турмушга чиққан ва камида тўққиз нафар фарзанд кўрганга ўхшайди.
Биринчи никоҳи
Унинг биринчи эри ал-Жаз’ий аз-Зубайдий бўлган. Тарихчи Табарий уларнинг никоҳидан бир нафар ўғил фарзанд дунёга келганини қайд этган:
- Маҳмия ибн ал-Жазъий аз-Зубайдий[4].
У исломни биринчилардан қабул қилганлардан бўлиб, Ҳабашистонда 13 йил яшаган. 628-йилда Мадинага келганида Муҳаммад пайғамбар уни жамоат хазинабони этиб тайинлаган.
Иккинчи никоҳи
Ҳинд иккинчи маротаба ал-Ҳорис ибн Ҳазан ибн Жубайр ибн ал-Ҳазм ибн Рубия ибн Абдуллоҳ ибн Ҳилолга турмушга чиққан. У мансуб бўлган Бану Ҳилол Маккада яшаган араб қабиласи бўлган. Улар бой бўлишларига қарамай, Қурайш каби сиёсий қудратига эга эмас эди.
Ҳинд ва ал-Ҳориснинг камида тўрт нафар фарзанди бўлган:
- Катта Лубоба — асосан, Умму Фадл номи билан танилган. У Аббос ибн Абдулмутталибнинг хотини, унинг етти нафар фарзандининг онаси, жумладан, пайғамбар Муҳаммаднинг энг кичик амакиваччаси Ибн Аббоснинг онаси бўлган[5].
- Барра бинти ал-Ҳорис пайғамбар Муҳаммад унинг учинчи эри бўлган, Барра унга турмушга чиққанидан сўнг унга Маймуна деб эсм берилган[6].
- Ас-Сойиб ибн ал-Ҳорис.
- Қатн ибн ал-Ҳорис.
Учинчи никоҳи
Ҳинд бинти Авфнинг учинчи эри Хузайма ибн ал-Ҳорис ал-Ҳилолий бўлган. Ҳинд Хузаймадан бир қиз фарзанд кўрган:
- Зайнаб бинти Хузайма ҳам Муҳаммад пайғамбарга турмушга чиққан. Вафот этгач, унинг дафн маросимига ака-укаларидан уч нафари келгани айтилади[7]. Маҳмия ўша пайтда Ҳабашистонда бўлгани учун унинг дафн маросимига ас-Сойиб, Қатн ва Авн келган бўлиши керак.
Тўртинчи никоҳи
Ҳинднинг тўртинчи эри Хасъам қабиласидан бўлган Умайс ибн Маъд ибн Тамим ибн ал-Ҳорис ибн Каъб ибн Молик эди. Бу никоҳдан уч фарзанд дунёга келган:
- Асмо бинти Умайс Рабиа ибн Риёб ал-Ҳилолий, Жаъфар ибн Абу Толиб, Рошидун халифалигининг биринчи халифаси Абу Бакр ва тўртинчи халифа Алига турмушга чиққан ва камида саккиз нафар фарзанд кўрган[8][9].
- Салмо бинт Умайс Ҳамза ибн Абдулмутталибга, сўнг Шаддод ибн Усома ибн ал-Ҳаъд ал-Лайсийга турмушга чиққан[10][11]. Шунингдек, унинг Хас’ам қабиласидан бўлган Каъб ибн Иноба билан ҳам оила қургани айтилади.
- Авн ибн Умайс Ҳаррон жангида вафот этган[12].
Ўгай фарзандлари
Ал-Ҳорис ибн Ҳазаннинг бошқа хотини Фахита бинти Амир ибн Муаттиб ибн Молик ас-Сақафийдан камида уч қизи бўлган[13]. Ҳинднинг бу никоҳдан ҳам ўгай фарзандлари бўлган:
- Лубоба ас-Суғро/Кичик Лубоба бинти ал-Ҳорис, шунингдек, Лайло ёки Асмо номлари билан ҳам танилган бўлиб, Волид ибн ал-Муғийра ал-Махзумийга турмушга чиққан. У машҳур жангчи Холид ибн Волиднинг онаси бўлган[14][15].
- Ҳузайла бинти ал-Ҳорис[16][17].
- Ғорра бинти ал-Ҳорис, шунингдек, Изза номи билан ҳам танилган бўлиб, Абдуллоҳ ибн Молик ал-Ҳилолийга турмушга чиққан[18][19].
Манбалар
- ↑ Тҳе энcйcлопаэдиа оф Ислам: препаред бй а нумбер оф леадинг Ориэнталисц. Брилл Арчиве, 1980 — 92-бет. ИСБН 90-04-06167-3.
- ↑ Ал-Табари, Тарикҳ ал-Русул wаъл-Мулук, вол. 39. Транслатед бй Ландау-Тассерон, Э. (1998). Биограпҳиэс оф тҳе Пропҳетъс Cомпанионс анд Тҳеир Суccессорс, п. 201. Неw Ёрк: Стате Университй оф Неw Ёрк Пресс.
- ↑ Муҳаммад ибн Саад. Китаб ал-Табақат ал-Кабир вол. 8. Транслатед бй Беwлей, А. (1995). Тҳе Wомен оф Мадина, п. 193. Лондон: Та-Ҳа Публишерс.
- ↑ Ландау-Тассерон/Табари, п. 201.
- ↑ Ландау-Тассерон/Табари, п. 201.
- ↑ Ландау-Тассерон/Табари, пп. 185, 201.
- ↑ Беwлей/Саад п. 82.
- ↑ Беwлей/Саад, пп. 196-199.
- ↑ Ландау-Тассерон/Табари, п. 201.
- ↑ Беwлей/Саад п. 199.
- ↑ Ландау-Тассерон/Табари, п. 201.
- ↑ Ландау-Тассерон/Табари, п. 201.
- ↑ Ландау-Тассерон/Табари, п. 201.
- ↑ Беwлей/Саад п. 195.
- ↑ Ландау-Тассерон/Табари, п. 201.
- ↑ Беwлей/Саад п. 196.
- ↑ Ландау-Тассерон/Табари, п. 201.
- ↑ Беwлей/Саад п. 196.
- ↑ Ландау-Тассерон/Табари, п. 201.