Hisorak KGES
- Quvvati 45 MVt boʻlgan Hisorak GES bilan adashtirib yuborilmasin.
39°1′32″N 67°9′4″E / 39.02556°N 67.15111°E
| Hisorak KGES | |
|---|---|
| Mamlakat |
 Oʻzbekiston |
| Joylashuvi | Qashqadaryo viloyati Shahrisabz tumani Miroqi shaharchasi |
| Daryo | Oqsuv |
| Egasi | Oʻzbekgidroenergo |
| Boshqaruvchisi | „Hisarak GES“ UK |
| Maqomi | Amalda |
| Agregatlar ishga tushgan yillar | 2025 |
| Asosiy tavsifi | |
| Yillik elektr energiyasi ishlab chiqarishi | 17,5 |
| Elektrostansiya turi | toʻgʻonli |
| Elektr quvvati, MVt | 3,5 |
| Asosiy inshoot | |
| Toʻgʻon turi | tuproqli tosh bilan toʻldirilgan |
| Toʻgʻon balandligi, m | 140 |
| Toʻgʻon uzunligi, m | 528 |
| Shlyuz | mavjud emas |
| Xarita | |
.png){kind=link}
Hisorak KGES – Qashqadaryo viloyati Shahrisabz tumani Miroqi shaharchasida Oqsuv daryosida joylashgan gidroelektr stansiya. Rasmiy ochilish marosimi 2025-yil 30-yanvar kuni Oʻzbekiston bosh vazirining oʻrinbosari Ochilboy Ramatov, Oʻzbekgidroenergo Boshqaruvi raisi Abdugʻani Sanginov va boshqa mas’ullar ichtirokida oʻtkazilgan[1].
Umumiy tavsifi
Hisorak kichik GES 2025-yilda foydalanishga topshirilgan. Stansiya 1988-yilda sugʻorish uchun suv toʻplash maqsadida yaratilgan Hisorak gidrouzeli toʻgʻoniga tutashtirilgan. Suv omboridan sugʻorish uchun chiqariladigan suv ajratmalari asosida ishlaydi.
Kichik GES quvvati – 3,5 MVt, oʻrtacha yillik elektr energiyasi ishlab chiqarishi – 17,5 mln kVt*soat[1].
Loyiha qiymati 1,5 mln AQSh dollarini tashkil qiladi. Hisorak KGES faoliyati tufayli yiliga oʻrtacha 5 mln m³ tabiiy gaz tejaladi. Stansiyada generatsiya qilingan elektr 7 300 ta xonadonga yetadi[2]
Kichik GES qurilishi toʻliq mahalliylashtirish doirasida amalga oshirilgan. Loyihalash ishlarini Oʻzbekgidroenergo tarkibidagi Gidroproyekt, qurilish-montaj ishlarini „Gidroqurilish buyurtmachi xizmati“ MCHJ bajargan[1].
GES toʻgʻoni Hisorak suv omborini hosil qiladi. Suv ombori umumiy hajmi 170 mln m³ boʻlib, foydalaniladigan qismi 162 mln m³ tashkil etadi.
Manbalar
- ↑ 1,0 1,1 1,2 „Qashqadaryoda mahalliylashtirish doirasida yangi gidroenergetik quvvat ishga tushirildi“. uzgidro.uz. Oʻzbekgidroenergo (2025-yil 30-yanvar). Qaraldi: 20-iyun 2025-yil.
- ↑ „Hisorakda yana bir kichik GES qurildi“. president.uz. Prezident matbuot xizmati (2025-yil 19-iyun). Qaraldi: 20-iyun 2025-yil.