Hojimuqon

Муқон Мунгайтпасов
қозоқча: Қажымұқан Мұңайтпасұлы

Ҳожимуқон (асл исм-шарифи Муқон Мунгайтпасов) (1871, ҳозирги Оқмўла вилояти Қораетгел қишлоғи — 1948-йил, 8-декабр, Жанубий Қозоғистон вилояти Арис қишлоғи) — қозоқ полвони, юнон-рум кураши бўйича про-фессионал курашчилар ўртасида жаҳон чемпиони (1909, Рига; 1911, Варшава). Тўй курашларида чиниққан Ҳ. 1901-йилда Омск сиркида илк бор профессионал курашчи билан беллашган. Петербургга таклиф этилган. 2 йил давомида юнон-рум кураши усталари билан бирга шуғулланган. 1904-йил парижда ўтказилган халқаро мусобақада ғолиб чиқиб, халқаро майдонда танилган. У Европа мамлакатларида асосан Венгрия, Германия, Полша, Франсия, Афғонистон, Хитой каби мамлакатларда ўтказилган мусобақаларда қатнашиб, 48 та медални қўлга киритган. Ҳ. Ўзбекистонда ҳам бўлган, 1926-йил Тошкентда рус полвони К.Булдни енгган. Ҳ. "Қозоқ ўлкасининг қаҳрамони" фахрий ун-вонини олган (1927). Иккинчи жаҳон уруши даврида Ҳ. шаҳар-қишлоқларда полвонлик томошалари кўрсатиб тўплаган маблағини ҳарбий самолёт ясаш учун топширган. Ўрдабоши тумани марказида Ҳ. музейи бор (2001-йил очилган).