Holishkes
Ҳолишкес (шунингдек ҳолипчес ёки голубци ёки голубси ёки хулуптзес ёки прокес ёки гефилте кроит) Шарқий Европа яҳудий таомлари орасидаги карам дўлма таомидир. Ҳолишкес қайнатиб олинган карам баргларидан тайёрланади: улар қиймаланган гўштни конвертга ўхшаш қилиб ўраб, сўнгра помидор соусида димланади. Баъзан қиймага гуруч ҳам қўшилади. Таом йил бўйи истеъмол қилинса-да, одатда у мўл ҳосил рамзи сифатида Суккотда ва ёнма-ён қўйилганда иккита карам долмаси Таврот ўрамларига ўхшаб кетгани учун Симхат Тора байрамида тортилади[1][2].
Тарихи
Ҳолишкес дастлаб этник ашкеназ яҳудийлари томонидан Россия империяси таркибидаги Полшада яратилган, деб ҳисобланади. Бу яҳудийлар қадимий Яқин Шарқ яҳудийларининг авлодлари бўлиб, улар Яҳудий-рим урушлари оқибатида Марказий ва Шарқий Европада паноҳ топганлар. Вақт ўтиши билан ашкеназ яҳудийлари ҳолишкесни ўзларининг шунга ўхшаш таомлар тайёрлаган туркий-форс ва қрим-татар қўшнилари таомларига мослаштирган, бу таомлар эса ўз навбатида Яқин Шарқ дўлмасидан келиб чиққан, деб ҳисобланади. Шарқий европаликлар бу таомни соусдаги ўралган карамли уя ичидаги қушга ўхшагани учун гоłąбки (кичик каптарлар) деб аташган. Зираворлар жамиятларга қараб фарқланади. Венгер яҳудийлари бироз маржорам қўшадилар, Сурия яҳудийлари долчин соладилар, форс яҳудийлари эса укроп ва ялпиз қўшадилар. Гўшт қиммат бўлгани учун уни кўпайтириш мақсадида гуруч қўшилган[1].
Яна қаранг
- Яҳудий таомлари
- Карамдан тайёрланадиган таомлар рўйхати
- Карам дўлмалари – умуман шу турдаги таомлар
- Токли дўлма – ўхшаш турдаги таом
Манбалар
- ↑ 1,0 1,1 Лиэбер, Чавиэ „Тҳе Жеwс, стуффед cаббаге анд Симчат Тораҳ“ (2012-йил 7-октябр).
- ↑ Лавине, Эилеэн „Стуффед Cаббаге: А Cомфорт Фоод фор Алл Агес“ (2013-йил 8-август).
Ҳаволалар
- Карам дўлмаси (холишкес) рецепти | Реcипезаар. „Дунё рецептлари жамланган жой“.
- Холишкес (карам дўлма) рецепти Эпиcуриоус.cом сайтида. (Wайбаcк Мачине сайтида 2019-йил 22-декабр санасида архивланган) Рецептлар, менюлар, пазандалик мақолалари ва овқат қўлланмалари.
- Қийма солинган карам: холишкес – гўштли. (Wайбаcк Мачине сайтида 2008-йил 11-октабр санасида архивланган) Мимиъс Cйбер-Китчен рецептлари – „Интернетдаги таомлар бўйича биринчи манзилингиз“.