Husan Sharipov

Ҳусан Шарипов
Файл:Ҳусан Шарипов.жпг
Таваллуди	27-июл 1937-йил Тошкент
Вафоти	25-июн 2018-йил(2018-06-25) (80 ёшда) Тошкент
Мукофотлари

Ҳусан Шарипов (1937.27.7, Тошкент – 2018.6.25, Тошкент) – актёр. Ўзбекистон халқ артисти (1991).

Биографияси

• Тошкент театр ва рассомлик санъати институтини тугатган (1963).
• 1959 —91 йиллар Муқимий театрида актёр (1986—87 йлар директор).
• 1990—95 йиллар Ўзбекистон миллий телерадиокомпаниясида бадиий сўз устаси,
• 1995—97 йиллар Ўзбекистон театр арбоблари уюшмаси котиби.

Ижоди

Шарипов ижодитабиатан халқчиллиги, бой фантазияси, имконияти кенглига, ижро санъати ва маҳорати комик йўналишидаги ролларга мойиллиги билан ажралиб туради. Актёрнинг ўзбек анъанавий театри ва аския санъати воситаларидан унумли фойдаланиши саҳнада, кинода, миниатюра театри, „Ханда“ эшиттиришлари (радио)да яратган образлари, ролларидаги соддалик, самимийлик кўзга ташланади. Театрда Тошболта („Тошболта ошиқ“), Пўлат („Хотинимнинг эри“), Тожибой („Ужарлар“), Ҳасан („Жон қизлар“), Акоп („Хонума хоним“), Абдулла („Ака-ука совчилар“), Абдулла („Ватан ишқи“), Собиржон („Ошиқ Ғариб“), Чойхоначи („Жоним фидо“) каби роллари билан театр ривожига мумосиб ҳисса қўшди.

Кинода Шермат („Суюнчи“), Ҳусан Шарипов („Водиллик келин“), Автобаза директори („Марҳумнинг ҳурмати“), Ҳусан („Шўрпешоналар“, „Келинлар қўзғолони“, „Ким жинни“), Ҳожи Аълам („Майсаранинг иши“), Зокир хотинбоз („Амирнинг бевақт ташрифи“), Ҳожи („Бомба“), Бўёқчи („Маккора“), ота („Чинор тагидаги дуэл“ ва бошқалар) ва телефилмлар [Ҳожи Деҳдор („Алишер Навоий“), 12 қисмли, Савдогар („Увайсий“), Ҳусан („Учрашув“) ва бошқалда ҳам самарали ижод қилди. 1960-йилдан „Табассум“ радиожурналининг, 1969-йилдан телеминиатюра театрининг мунтазам иштирокчиси. Маънавият ва маърифат йўналишидаги театрлаштирилган „Маънавият қалбим қуёши“ дастури муаллифи ва ижрочиси. „Меҳнат шуҳрати“ ордени билан мукофотланган (1999).

Унвон ва мукофотлари

• Ўзбекистон халқ артисти (1991-йил)
• Меҳнат шуҳрати ордени (1999-йил)
• Фидокорона хизматлари учун ордени (2021-йил);