Igor Belolipov
Игор Владимирович Белолипов (1938-йил 20-феврал, Тошкент, Ўзбекистон ССР) — ўзбекистонлик ботаник олим, ўсимликлар гистологияси, морфологияси бўйича мутахассис, биология фанлари доктори (1983), профессор (1991). 2026 йил 2июнда вафот этдилар.
| Игор Владимирович Белолипов | |
|---|---|
 | |
| Таваллуди |
1938-йил 20-феврал Тошкент шаҳри, О'збекистон ССР |
| Фуқаролиги |
 Ўзбекистон |
| Касби | ўсимликлар гистологияси, морфологияси бўйича мутахассис |
| Соҳаси | ботаника |
| Таълими | Тошкент давлат аграр университети |
| Илмий даражаси | Биология фанлари доктори |
| Илмий унвони | профессор |
| Мукофотлари |
Ўзбекистон Республикаси олий таълими аълочиси   |
Биографияси
Игор Владимирович Белолипов 1938-йил 20-феврал куни Тошкент шаҳрида туғилган[1]. 1946—1956-йилларда Тошкентдаги 98-мактабда ўқиган. 1956—1961-йилда Тошкент қишлоқ хўжалик институтининг ўрмон хўжалиги факултетида таҳсил олган[2]. 1961—1962-йилларда Ўзбекистон Фанлар академиясининг академик Фёдор Николаевич Русанов номидаги Тошкент ботаника боғининг катта лаборант, 1962—1963-йилларда мазкур боғда кичик илмий ходим, 1963—1966-йилларда аспирант, 1966—1968-йилларда Тошкент ботаника боғида кичик илмий ходим, 1968—1978-йилларда катта илмий ходим, 1978—1985-йилларда Тошкент ботаника боғи „Юксак ўт ўсимликлари“ лабораторияси мудири, 1985—2004-йилларда Тошкент қишлоқ хўжалиги институти ботаника кафедраси мудири, 1988—1991-йилларда қишлоқ хўжалиги институти мева-сабзавотчилик ва ўрмон хўжалиги факултети декани[2][3], 2004—2010-йилларда Тошкент давлат аграр университети экология ва ботаника кафедраси профессори, 2010—2017-йилларда университетнинг қишлоқ хўжалиги биотехнологияси ва фитопатология кафедраси профессори, 2015—2017-йилларда ботаника ва агробиотехнология кафедраси профессори, 2017—2018-йилларда доривор ўсимликлар ва ботаника кафедраси профессори вазифасида фаолият олиб борган[1]. 2018-йилдан Тошкент давлат аграр университети қишлоқ хўжалигида экологик хавфсизлик ва ботаника кафедрасининг профессори[1].
Илмий фаолияти
Игор Белолипов 350 та илмий ишлар, жумладан 3 та дарслик, 15 та ўқув қўлланма, 30 та услубий қўлланма, 6 услубий тавсия, 4 та монография муаллифи.1967-йилда русча: Биология и экологии интродутцированые видов рода РҲУС условиях Ташентского ОАЗСА мавзусида номзодлик диссертациясини ҳимоя қилиб, биология фанлари номзоди, 1983-йилда „Ўрта Осиё флорасидаги ўтли ўсимликлар интродуксияси“ мавзусида докторлик диссертациясини ёқлаб, биология фанлари доктори илмий даражасини олган[2]. Игор Белолипов Ўзбекистон Республикаси Қизил китобига камёб, эндемик тур сифатида киритилган бурчоқдошлар оиласи, астрагал туркумига кирувчи гулли ўсимлик тури Белолипов астрагалини ўстирган.
Мукофотлари
Игор Белолипов 1999-йилда „Ўзбекистон Республикаси олий таълими аълочиси“ кўкрак нишони[2], 2002-йил 26-августда „Дўстлик“ ордени[3], 2017-йил 7-декабрда „Меҳнат шуҳрати“ ордени[4] билан тақдирланган[1].
Манбалар
- ↑ 1,0 1,1 1,2 1,3 С.Й. Исламов, К.Х. Бухоров, Н.З. Арабова, А.М. Исламов. Игорь Владимирович Белолипов Б.А. Сулаймонов, Р.Х. Хамидуллаева: , Тошкент — 172-бет.
- ↑ 2,0 2,1 2,2 2,3 Эркин Зарипов, Гулноз Сапарова. „Профессор Игор Белолипов: Ўзбек тили она тилимдек юрагимдан жой олган“. гужум.уз (2019-йил 18-феврал). 2024-йил 2-апрелда асл нусхадан архивланган. Қаралди: 2024-йил 2-апрел.
- ↑ 3,0 3,1 „Белолипов Игорь Владимирович“. агроwебcеэ.нет. 2025-йил 28-январда асл нусхадан архивланган. Қаралди: 2024-йил 2-апрел.
- ↑ „Қишлоқ хўжалиги ривожига ҳиссаси учун президент томонидан мукофотланганлар рўйхати келтирилди“. кун.уз (2017-йил 10-декабр). 2024-йил 2-апрелда асл нусхадан архивланган. Қаралди: 2024-йил 2-апрел.