Igor Golloyev
Голлоев Игор Дмитриевич (20-сентябр, 1965-йил, Бухоро вилояти, Ўзбекистон ССР) — рус ҳарбий раҳбари. Россия Федерацияси Миллий гвардияси Шарқий округи қўмондони (2021-йилдан), генерал-полковник (2017)[1][2].
| Игор Голлоев | |
|---|---|
| Асл исми | Игорь Дмитриевич Голлоев |
| Таваллуди |
20-сентябр, 1965-йил Учқудуқ, Бухоро вилояти |
| Қўшин турлари |
Россия Ички ишлар вазирлиги қўшинлари, Россия Федерацияси Миллий гвардияси қўшинлари |
| Хизматдаги йиллари | 1983-йилдан |
| Унвони | генерал полковник |
| Жанг/уруш | Иккинчи Чечен уруши |
| Мукофотлари |
Александр Невский ордени (Россия), Жасорат ордени, Суворов медали, „Россия Федерациясида хизмат кўрсатган ҳарбий мутахассис“ ордени |
Биографияси
Голлоев 1965-йилнинг 20-сентябрида Бухоро вилоятида, ҳозирги Навоий вилоятининг Учқудуқ туманида туғилган. 1983-йил ҳарбий хизматда бўлган. 1987-йилда Ф. Э. Дзержинский номидаги СССР Ички ишлар вазирлиги Қизил байроқли Саратов олий ҳарбий қўмондонлик билим юртини тамомлаган. 1987-йилдан СССР Ички ишлар вазирлигининг Шимолий-Ғарбий ва Болтиқбўйи давлатлари ички қўшинлари бўлимида взвод командири лавозимида хизмат қилган.
1997-йилда М. В. Фрунзе номидаги ҳарбий академияни тамомлаган. 1997-йилда Россия Ички ишлар вазирлигининг Владикавказ Олий ҳарбий қўмондонлик мактабида ҳарбий тактикадан дарс бера бошлаган. 1999-йилдан Россия Ички ишлар вазирлигининг Шимолий Кавказ округи ички қўшинларининг тезкор бўлинмасида хизмат қилган. 2003—2007-йилларда Россия Ички ишлар вазирлиги Ички қўшинларининг Волга округида хизмат қилган.
2009-йилда Россия Федерацияси Қуролли Кучлари Бош штабининг Ҳарбий академиясини тамомлаган. 2009-йилдан Россия Ички ишлар вазирлигининг Шимолий-Ғарбий минтақавий қўмондонлигида хизмат қилган. 2011-йил 9-ноябрдан генерал-маёр.
2012-йилдан Россия Ички ишлар вазирлиги Ички қўшинлари Марказий минтақавий қўмондонлиги қўмондонининг биринчи ўринбосари. Россия Федерацияси Президентининг 2014-йил 6-ноябрдаги 713-сонли фармони билан генерал-лейтенант[3] унвони берилган.
2016-йил октябр ойидан — Россия Федерацияси Миллий гвардия қўшинларининг Урал округи қўмондони[4].
Россия Федерацияси Президентининг 2017-йил 6-декабрдаги фармони билан Россия Федерацияси Миллий гвардия қўшинлари Марказий округи қўмондони этиб тайинланди.
Россия Федерацияси Президентининг 2017-йил 12-декабрдаги 592-сон қарори билан унга генерал-полковник унвони берилди.
2021-йил 30-июлдан — Россия Федерацияси Миллий гвардия қўшинлари Шарқий округи қўмондони.
Мукофотлари
- Александр Невский ордени
- Жасорат ордени
- Суворов медали
- идоравий медаллар
- „Россия Федерациясида хизмат кўрсатган ҳарбий мутахассис“ (2017-йил март)
Манбалар
- ↑ „Голлоэв Игор Дмитриэвич“. 2023-йил 5-февралда асл нусхадан архивланган. Қаралди: 2023-йил 1-июл.
- ↑ „Михаил Дегтярев вручил государственные награды бойцам Росгвардии“ (2023-йил 10-март).
- ↑ „Командующий Росгвардии Урала прибыл с рабочим визитом в Югру“.
- ↑ „Первый командующий национальной гвардией на Урале получил личный штандарт. «Облгазета», 2016, 8 ноября.“. 2018-йил 17-майда асл нусхадан архивланган. Қаралди: 2018-йил 16-май.