Igor Nazarov
 | Бу мақолага бошқа бирорта саҳифадан
ишорат йўқ. (август 2024) |
Игор Дмитриевич Назаров (1960-йил 1-январ, Бухоро вилояти, Ўзбекистон ССР) — россиялик футбол мураббийи.
| Шахсий маълумот | |||
|---|---|---|---|
| Тўлиқ исми | русча: Игорь Дмитриевич Назаров | ||
| Таваллуд санаси | 1960-йил 1-январ | ||
| Таваллуд жойи | Бухоро вилояти, ЎзССР, СССР | ||
| Профессионал фаолияти* | |||
| Йиллар | Жамоа | Ишт. | (Гол.) |
| – | Труд | ||
| – | Рубин | ||
| *Профессионал клублардаги голлари (ички чемпионат) | |||
Таржимаи ҳоли
1960-йил 1-январ Ўзбекистон Совет Социалистик Республикаси Бухоро вилоятидаги нефтни қайта ишлаш заводида ишловчи ишчи оиласида туғилган. Кейинчалик ота-онаси билан Россиянинг Толятти шаҳрига кўчиб кетган. Болалиги Толятти шаҳрида ўтган. Футболчи сифатида шаҳарнинг „Труд“ ва „Рубин“ жисмоний тарбия жамоаларида Толятти ва Куйбишев вилояти чемпионатида ўйнаган, вилоят чемпиони бўлган. Виброцентрифугал тегирмон заводида ишлаган.
Волгоград жисмоний тарбия институтини сиртдан тамомлаган (1986-йил). 1980-йилларнинг охиридан бошлаб Толятти шаҳрида 2-сонли ўсмирлар спорт мактаби болалар мураббийи бўлиб ишлай бошлаган.
1992-йилда „Лада“ аёллар футбол клубини бошқарган. 1993-йилда унинг бошчилигида жамоа биринчи лигада иккинчи ўринни эгаллаб, Россия аёллар футболи чемпионатига ўтган. Мураббий 1998-йилгача „Лада“ билан ишлашни давом эттирган, унинг раҳбарлигидаги энг яхши натижа 1996-йилги миллий чемпионатнинг бронза медаллари бўлди. Икки марта, 1994 ва 1996-йилларда „Лада“ Россия кубогининг ярим финалига чиққан. Россия терма жамоаси футболчилари — Олга Сергаева, Татяна Скотниковаларни тайёрлаган.
1999-йилда Игор Назаров Александр Гармашовнинг ёрдамчиси сифатида „Лада“ клубининг эркаклар жамоасига ўтади[1].
Кейинчалик яна ёшлар футболида мураббийлик ва маъмурий лавозимларда ишлаган. „Лада“ ихтисослаштирилган олимпия захиралари болалар ва ўсмирлар спорт мактаби директори, 12-сонли ихтисослаштирилган олимпия захиралари болалар ва ўсмирлар спорт мактаби директор ўринбосари[2], Юрий Коноплев номидаги академияда мураббий бўлиб ишлаган. 1989-йилда туғилган (2006-йилда унинг тўрт нафар шогирди Европа чемпиони бўлган[3]), кейин эса 2001-йилда туғилган футболчилар билан ишлаган.
Манбалар
- ↑ „ФУТБОЛЬНАЯ ДЕЯТЕЛЬНОСТЬ“. фоотбаллфаcц.ру. Қаралди: 5-июл 2023-йил.
- ↑ „В Академии состоялось совещание по объединению всех футбольных организаций в единую структуру“. 2019-йил 12-августда асл нусхадан архивланган. Қаралди: 2019-йил 12-август.
- ↑ „Призвание Игоря Назарова“. спортфиcтион.ру. 2023-йил 5-июлда асл нусхадан архивланган. Қаралди: 5-июл 2023-йил.