Igor Shabdurasulov
Игор Владимирович Шабдурасулов (1957-йил 3-октябр Тошкент шаҳрида туғилган, Тошкент, ЎзССР, СССР) – россиялик сиёсатчи ва давлат арбоби. "ОРТ" ОАЖ собиқ бош директори.
| Игор Шабдурасулов | |
|---|---|
| Таваллуди |
Игор Владимирович Шабдурасулов 1957-йил 3-октябр |
| Таълими | Москва давлат университети |
| Касби | сиёсатчи, давлат арбоби |
| Мукофотлари | Россия Федерацияси Президентининг миннатдорчилиги (1995-йил 14-август ва 1996-йил 9-июл) |
Ҳаёти
Игор Шабдурасулов 1957-йил 3-октябрда Тошкентда туғилган. Москва давлат университетининг география факултетини тугатган (1979-йил, геоморфология ва палеогеография факултети). СССР Фанлар академиясининг География институтида ўз мутахассислиги бўйича ишлаган.
1979–1991-йилларда – СССР Фанлар академияси География институтида муҳандис, аспирант, катта муҳандис, илмий ходим лавозимларида фаолият юритган.
1991–1992-йилларда – Фанлар академиялари Президентлари Кенгаши Ижроия бюроси директорининг ўринбосари.
1992–1992-йилларда – Россия Федерацияси Ҳукумати Маданият ва таълим департаментининг мутахассис-эксперт, ижтимоий-маданий масалалар, маданий ва табиий меросни сақлаш сектори мудири.
1992–1993-йилларда – Россия Федерацияси ҳукумати фан, маданият ва таълим бошқармаси бошлиғининг ўринбосари бўлган. ОАВ бўлимига раҳбарлик қилиб, ўз вазифалари туфайли телевидениэда профессионал равишда ишлай бошлайди[1].
1993-йил – Россия Федерацияси Президенти Администрацияси раҳбарининг ёрдамчиси.
1998-йил октябр – 1999-йил сентябр – ОРТ ОАЖ бош директори (1998-йил сентябрдан – вақтинча вазифасини бажарувчи; 1995-йил январ ойидан 2001-йил февралгача – ОРТ директорлар кенгаши ва акциядорлар кенгаши аъзоси) бўлиб ишлаган. Иқтисодий инқироз ва банкротлик таҳдиди шароитида давлат кредитини олиб, бунинг натижасида телекомпаниянинг Совет давридан эскирган техник базасини қайта жиҳозлаган[1]. 1999-йилнинг сентябр ойида ОРТни тарк этиб, ўз лавозимига ўша пайтда каналнинг бош продюсери бўлган Константин Эрнстни тавсия қилади[1].
1999-йил сентябр – 2000-йил июл – Россия Федерацияси Президенти Администрацияси раҳбарининг биринчи ўринбосари.
2000–2010-йиллари – „Триумф-янги давр“ мустақил хайрия фонди президенти, „Спартак“ халқ жамоасини қўллаб-қувватлаш жамғармаси бош директори, „Ника“ кинематографчилар автоном нотижорат ташкилоти директори.
2001–2002-йиллари – „Москва ТВ-6 Москва“ мустақил радиоэшиттириш корпорацияси ЁАЖ директорлар кенгаши раиси.
2010-йилдан 2020-йилгача – ИНФЛЕХ МЧЖ бош директори.
2012-йилнинг ноябридан 2013-йил мартигача – Сочи-2014 ташкилий қўмитаси вице-президенти.
Мукофотлари
- Россия Федерацияси Президентининг миннатдорчилиги (1996-йил 9-июл) – 1996-йилда Россия Федерацияси Президенти сайлови компаниясини ташкил этиш ва ўтказишдаги фаол иштироки учун[2].
- Россия Федерацияси Президентининг миннатдорчилиги (1995-йил 14-август) – 1941-1945-йиллардаги Улуғ Ватан урушидаги Ғалабанинг 50 йиллигини нишонлашга тайёргарлик кўриш ва ўтказишдаги фаол иштироки учун[3].
Манбалар
- ↑ 1,0 1,1 1,2 Эфир Отечества. Создатели и звёзды отечественного телевидения о себе и своей работе. Сборник интервью. Книга первая / Составитель В. Т. Третьяков. М.: Алгоритм, 2010 — 265—278, 320-бет. ИСБН 978-5-9265-0741-3.
- ↑ Распоряжениэ Президента Российской Федерации от 9 июля 1996 года № 358-рп „О поощрении активних участников организации и проведения виборной кампании Президента Российской Федерации в 1996 году“
- ↑ Распоряжениэ Президента Российской Федерации от 14 августа 1995 года № 379-рп „О поощрении лиц, внёсших болшой вклад в подготовку и проведениэ празднования 50-летия Победи в Великой Отечественной войне 1941—1945 годов“