Ikrom Akmalov
Акмалов Икром (1922-йил, Тошкент, Туркистон АССР – вафот этган санаси номаълум, Тошкент) Ўзбекистон ССР Халқ хўжалиги Совети В. П. Чкалов номидаги 84-сонли завод ишчиси. Социалистик Меҳнат Қаҳрамони (1962-йил).
| Икром Акмалов | |
|---|---|
| Файл:Икром Акмалов.пнг | |
| Таваллуди |
1922-йил |
| Вафоти |
нома'лум Тошкент, Ўзбекистон ССР |
| Фуқаролиги |
 СССР |
| Мукофотлари |
  |
Биографияси
Икром 1922-йилда Туркистон АССР Тошкент шаҳрида таваллуд топган. Ўрта мактабни тугатгач, Тошкентда Ўзбекистон ССР Халқ хўжалиги Совети В. П. Чкалов номидаги 84-сонли заводда (1960-йилдан – В. П. Чкалов номидаги Тошкент авиация заводи, 1973-йилдан – В. П. Чкалов номидаги Тошкент авиация ишлаб чиқариш бирлашмаси) қалай қуювчи, чилангар, мисгар бўлиб ишлаган. Улуғ Ватан уруши йилларида Ли-2 ҳарбий транспорт самолётларини, 1954-йилдан Ил-14 ва 1961-йилдан Ан-12 самолётларини ишлаб чиқаришда фаол иштирок этган[1].
Икром чилангар Иван Сидориннинг шогирди бўлган, кейинчалик улар мисгарлар деб аталган. „Юз марта олдига борасан, сўрайсан, юз марта тушунтиради, ёрдам беради, кўрсатади“, – деб эслайди устози Иван Синдорин ҳақида.
Акмалов рационализаторлик таклифларини киритган. Бунинг натижасида эса меҳнат унумдорлиги ҳамда ишлаб чиқарилаётган маҳсулотларнинг сифати сезиларли даражада ошган. СССР халқ хўжалигини ривожлантиришнинг етти йиллик режасидаги шахсий социалистик мажбуриятларини ва ишлаб чиқариш топшириқларини муддатидан тўрт йил олдин бажарган. СССР Олий Кенгаши Президиумининг 1962-йил 2-мартдаги („ёпиқ“) фармони билан Икром Акмалов „серияли ишлаб чиқаришни ташкил этишда ва янги авиация техникасини ишлаб чиқаришда катта муваффақиятларга эришгани учун“ Социалистик Меҳнат Қаҳрамони унвони билан тақдирланган[2]. Бундан ташқари Ленин ордени ва "Ўроқ ва Болға" олтин медалига сазовор бўлган.
Худди шу фармон билан завод директори Степан Иванович Кадишев ва парчинловчи Таисия Григоревна Павлова Социалистик Меҳнат Қаҳрамони унвони билан мукофотланган.
Икром Акмалов нафақага чиққанидан сўнг Тошкентда истиқомат қилган. Унинг ўлим санаси аниқланмаган.
Манбалар
- ↑ „Акмалов Икрам“ (ру). Герои страны.
- ↑ „Список Героев Социалистического Труда“. Қаралди: 2023-йил 26-ноябр.