Ilya Golyayev

Иля Андреевич Голяев (1859-йил – 1942-йил, Ўзбекистон ССР, Тошкент шаҳри) – Саратов вилояти, Балашов шаҳридаги ЭCБ черковининг оқсоқоли, бир неча бор СССР Баптистлар иттифоқи раиси этиб сайланган.

Иля Андреевич Голяев
Таваллуди	1859-йил
Вафоти	14-сентябр 1942-йил Ўзбекистон ССР, Тошкент шаҳри
Фуқаролиги	Россия империяси Россия империяси→ СССР

Ҳаёти

Иля Андреевич Голяев 1859-йилда туғилиб, молокан оиласида ўсган. Ёшлигида у Балашовда ваъз қилган баптистлар Н.М.Четвернин ва П.Г.Демакин билан, кейинроқ эса В.В.Иванов билан учрашган. Улар билан мулоқот қилиш натижасида 1890-йилда муқаддас сувга чўмиш маросимидан ўтган. Унинг саъй-ҳаракатлари туфайли Балашовда катта баптистлар черкови пайдо бўлган.

Эллик йилдан кўпроқ вақт давомида Иля Андреевич Голяев Балашов черковининг доимий пресвитери бўлиб, бир овоздан бир неча марта қайта сайланган. 1910-йилда унинг ташаббуси ва моддий иштироки билан Балашовда Россияда биринчилардан бўлган катта ибодатхона қурилган. Шу билан бирга, Иля Андреевич Голяев Россия баптистлари иттифоқида ишлаган (ташкилот номи бир неча бор ўзгартирилган). Иля Голяев 1910—1917-йилларда, 1924—1926-йилларда, 1933—1935-йилларда танаффуслар билан Россия баптистлари иттифоқи раиси бўлган.

1911-йилда Америка Қўшма Штатларининг Филаделфия шаҳрида бўлиб ўтган Бутунжаҳон баптистлар конгрессида рус баптистлари делегациясига раҳбарлик қилган. У 1925-йилда ўтказилган СССР Баптистлар иттифоқи кенгашига бошчилик қилган. Ушбу йиғилишда Бутунжаҳон баптистлар иттифоқи вакили доктор Рушбрук ва В.В.Скалдин, Г.И.МазаЕв, Н.В.Одинцов, И.А.Голяэв, П.В.Павлов, С.В.Белосов, Д.П.Степин, П.В.Иванов-Клйшников, П.Х.Мордовинлар иштирок этган.

Иля Андреевич Голяев қисқа муддатли касалликдан сўнг 1942-йил 14-сентябрда Ўзбекистон ССРнинг Тошкент шаҳрида вафот этган.

Адабиётлар

• Иванов М. В. Синичкин А. В.. История евангельских христиан баптистов России, М., 2012. ИСБН 978-5-9902083-6-0.