Ziyosfera

Ilya Kaprov

Иля Василевич Капров (1898-йил 20-июн, Саратов вилояти, Волский тумани Вязовка қишлоғи – 1967-йил 30-июл, Тошкент) – совет қўмондони, россияда фуқаролар ва Улуғ Ватан урушлари қатнашчиси. Тошкент пиёдалар билим юрти бошлиғи (1944-йил 13-август – 1945-йил май).

Иля Капров
Таваллуди 20-июн 1898-йил
Россия империяси
Вафоти 30-июл 1967-йил
Тошкент, СССР
Фуқаролиги SSSR bayrogʻi СССР
Фаолият йиллари 1918–1945

Москва мудофааси пайтида 316-пиёда дивизиясининг 1075-пиёда полкига (кейинчалик 8-гвардия дивизияси) қўмондонлик қилган. У Дубосеково вилоятида (Волоколамский вилояти) полкнинг мудофаасига раҳбарлик қилган.

Биографияси

Иля Василевич 1898-йил 20-июнда Саратов вилояти ҳозирги Волский тумани Вязовка қишлоғида деҳқон оиласида таваллуд топган. 1921-йилда қишлоқ мактабини тамомлаган.

1917-йил июндан Волский тумани ҳарбий қўмондонлиги идорасида оддий аскар бўлиб хизмат қилган.

1918-йил октябр ойидан Қизил Армия сафига қўшилган. 1920-йилда В. И. Ленин номидаги Тошкент пиёда қўшинлари қўмондонлик курсини тамомлаган.

Россия фуқаролар уруши йилларида 1931-йилда Ўрта Осиёда Қорақум чўли қумлоқларида босмачиларга қарши жангларда қатнашган. З. С. Шехтманнинг (1941-йилда 1077-пиёда полкининг командири) сўзларига кўра, Иля бўлажак генерал-маёр, 316-пиёда дивизияси командири И. В. Панфилов билан бирга жанг қилган[1]. 1929-йилдан ВКП(б) аъзоси бўлган.

1931-йил октябрдан 1933-йил ноябргача Ўрта Осиё ҳарбий округи РО штаб-квартираси ихтиёрида, 5-алоҳида радио разведка дивизияси командири бўлиб хизмат қилган. 1938-йил майдан 1939-йил июлгача ҳарбий иқтисодий курслар ўқитувчиси, кейинчалик 1939-йил июлдан Ўрта Осиё ҳарбий округи ҳарбий-сиёсий билим юрти катта ўқитувчиси лавозимларида фаолият олиб борган[2].

Иля Василевич 1942-йил 6-декабрдан 1944-йил 7-апрелгача 155-пиёда дивизиясида қўмондон бўлган[3]. Полковник И. В. Капров қўмондонлигидаги 27-армия қўшинлари дивизияси Чўл ва Воронеж фронтларида кўплаб операцияларда, жумладан Курск жангида, Ворскла дарёсини кесиб ўтишда ва Оҳтирка шаҳарни озод қилишда қатнашган.

Икки ой ўтгач, Киев стратегик ҳужум операциясида қатнашгани учун гвардия полковники И. В. Капров ИИ даражали Кутузов ордени билан тақдирланган.

1944-йил апрел ойида Проскуровско-Черновцкая операциясида қатнашган.

Иля Василевич 1967-йилда Тошкентда вафот этган ва Тошкентдаги Боткин қабристонига дафн этилган[4].

Мукофотлар

Капров Ленин ордени, уч бора Қизил Байроқ ордени, ИИ даражали Кутузов ордени ва Александр Невский ордени билан тақдирланган.

Бундан ташқари, „Москва мудофааси учун“ медали, „1941-1945 йиллардаги Улуғ Ватан урушида Германия устидан қозонилган ғалаба учун“ медали ҳамда „Ишчи-Деҳқон Қизил Армиясининг ХХ йиллиги“ юбилей медали соҳиби бўлган.

Оиласи

Рафиқаси – Ирина Петровна Капрова.

Манбалар

  1. ↑ З. С. Шехтман „Панфиловцы“, . Битва за Москву, 75000 экз, М.: Московский рабочий, 1966 — 229-бет. 
  2. ↑ „Фото И.В. Капрова на надгробии на Боткинском кладбище“. 2021-йил 26-майда асл нусхадан архивланган. Қаралди: 2021-йил 26-май.
  3. ↑ Звягинцев В. Е.. Трибунал для Героев, 3000 экз, Досье, ОЛМА-ПРЕСС Образование, 2005 — 215-бет. ИСБН 5-94849-643-0. 
  4. ↑ „Фото И.В. Капрова на надгробии на Боткинском кладбище“. 2021-йил 26-майда асл нусхадан архивланган. Қаралди: 2021-йил 26-май. 
"https://new.ziyosfera.uz/ziyo/Ilya_Kaprov" dan olindi