Ilya Levitas
| Иля Левитас | |
|---|---|
 | |
| Таваллуди |
11-декабр 1931-йил |
| Вафоти |
3-август 2014-йил Киев, Украина |
| Фуқаролиги |
 СССР  Украина |
| Касби | журналист |
Иля Михайлович Левитас (1931-йил 11-декабр, Тошкент – 2014-йил 3-август, Киев) – тарихчи, журналист, педагог, жамоат арбоби. Украина Қаҳрамони (2021, вафотидан кейин). Украинада хизмат кўрсатган маданият ходими (1991). Украина миллий жамиятлари кенгаши ва Украина яҳудийлари кенгаши президенти. „Украинада фашизм қурбонлари хотираси“, „Бабин Яр хотираси“ жамғармалари ва Шолом Алейхем жамғармаси раиси. „Жеwиш Неwс“ газетасининг бош муҳаррири.
Биографияси
Иля Левитас рус, ўзбек, татар мактабларида ўқиган. 14 ёшидан Киевда яшаган.
Левитас олий мураббийлар мактабини (1952), Киев давлат жисмоний тарбия институтини (1959) ва Киев давлат педагогика институтини (рус филологияси факултети) (1964) тамомлаган[1].
Армияда Ғарбий чегарада (Рава-Русская) захирадаги капитан лавозимида хизмат қилган.
Иля 1952-йилдан 1992-йилгача қирқ йил давомида Киев мактабларида рус адабиёти ва жисмоний тарбия ўқитувчиси бўлиб ишлаган. Украинада хизмат кўрсатган маданият ходими (1991). СССР жисмоний тарбия ва спорт аълочиси (1983) ва Украина халқ таълими аълочиси бўлган (1978). Михайлович ГТО фахрий нишони соҳиби бўлган (1981). Бундан ташқари ёшлар ўртасида футбол бўйича Украина чемпиони (1949) ҳамда гандбол бўйича спорт устаси (1954).
Левитас Киев шаҳридаги 146-сонли ўрта мактабда музей яратгани учун Улуғ Ватан уруши, рус адабиёти, Олимпия шон-шарафи ва ВДНХ медаллари билан тақдирланган (1979).
Иля Михайлович Украина Президенти ҳузуридаги Тил сиёсати бўйича кенгаш аъзоси ва 2001–2003-йилларда Украина Президенти ҳузуридаги Украина миллий вакиллари кенгаши раиси бўлган.
Россия Федерацияси Хавфсизлик, мудофаа ва ҳуқуқ-тартибот академиясида профессор лавозимида ишлаган (2006).
Профессор Левитас 2014-йил 3-августда Киевда вафот этди ва 2014-йил 6-августда Байково қабристонига дафн этилди.
Мукофотлари
Иля Левитас Давлат ордени (Украина) соҳиби бўлган[2].
Михайлович ИИИ (2001), ИИ (2006) ва И (2009) даражали „Буюк хизматлари учун“ ордени билан тақдирланган.
Манбалар
- ↑ „Левитас Илья Михайлович“. Қаралди: 2023-йил 5-ноябр.
- ↑ „Зеленский посмертно присвоил звание Героя Украины историку Левитасу“. Корреспондент (2021-йил 30-сентябр). 2021-йил 30-сентябрда асл нусхадан архивланган. Қаралди: 2021-йил 30-сентябр.