Ziyosfera

In-Grid

Ingrid Alberini (italyancha: Ingrid Alberini; 1978-yil 11-sentyabr, Guastalla, Emilia-Romagna)— italiyalik qoʻshiqchi, kompozitor, aranjirovkachi. In-Grid taxallusi bilan ijod qiladi. Faoliyati davomida Yevropa va Markaziy Osiyoda xalqaro muvaffaqiyatlarga erishgan[1][2][3][4][5]. Varnada boʻladigan Discovery xalqaro musiqa festivali ishtirokchisi[6]. 2003-yildagi „ZD Awards“ xit-paradi natijalariga koʻra, Rossiya va MDHdagi eng mashhur xorijiy qoʻshiqchilar roʻyxatida Madonna va Robbie Williamsdan keyin 3-oʻrinni egallagan[7].

In-Grid
Ingrid Alberini
Tavalludi 1978-yil 11-sentyabr (1978-09-11) (48 yosh)
Guastalla, Emilia-Romagna, Italiya
Janrlar pop musiqa
Kasbi qoʻshiqchi, kompozitor
Faoliyat yillari 1996-yildan hozirgacha
Leybllar RDS Records, XYZ Records
Fuqaroligi Italiya bayrogʻi Italiya
Veb-sayt in-gridofficial.com

Hayoti

Bolaligi va ijod yoʻlining boshlanishi

Ingrid Alberini Italiyaning shimolida tugʻilgan. Ota-onasi uning ismini otasining sevimli aktrisasi boʻlgan shved kino aktrisasi Ingrid Bergman sharafiga qoʻyishgan. Ota-onasi Emilia-Romagna viloyatida joylashgan, Parma yaqinidagi klassik va zamonaviy italyan musiqasining beshigi hisoblangan Guastalla shahridagi kinoteatrga egalik qilishgan[8].

In-Grid bolaligida koʻplab filmlarni tomosha qilgan, uning fikricha, bu esa uning qoʻshiqchi boʻlishida sababchi boʻlgan muhim omil edi. Qoʻshiqchi rassomlik, aktyorlik va qoʻshiq aytish bilan shugʻullanadi va tez orada musiqa oʻzini namoyon qilishning eng kuchli shakli ekanligini anglaydi. In-Grid bolaligidanoq shon-shuhratga oʻrganib qolgan boʻlib, maktab yillarida gitara chalib, tez-tez muxlislariga dastxatlar berard. In-Grid vatanida oʻn yildan ziyodroq qoʻshiq kuylagan. Sahna oldida noyob ovozi bilan kuylashi koʻplab musiqa prodyuserlarining eʼtiborini tortadi[8].

Faoliyati

1994-yilda In-Grid Sanremo musiqa festivalining mintaqaviy tanlovida gʻolib chiqadi. Tanlovda gʻolib chiqqanidan keyin xonanda turli tadbirlar va uchrashuvlarga (Monte-Karloda Ferrari uchuvchilari uchun, Tokioda Discografica Avex firmasiga) mehmon sifatida taklif qilina boshlanadi. Musiqa prodyuserlari Larry Pignagnoli va Marco Soncini qoʻshiqchiga hamkorlikda ishlashni taklif qilishadi. In-Grid Yevropa va Rossiyadagi koʻplab chartlarda yuqori pogʻonalarini egallagan Tu Es Foutu singlini yozgan[9]. Xonandaning Rendéz-Vous debyut albomi ham xuddi shunday muvaffaqiyat qozongan, albomdan In-Tango, Shock va Ah l’amour l’amour kabi qoʻshiqlar joy olgandi. Albom koʻplab musiqa sertifikatlariga, shu jumladan Rossiyada beshta platinali disk sertifikatiga ega[10]. Tu Es Foutu qoʻshigʻi Avstraliya, Meksika, Chexiya, Gretsiya, Ruminiya va Rossiyada oltin sertifikatlarga, Meksika, Polsha va Ukrainada platina sertifikatiga ega boʻlgan[11]. Ingrid uchta raqs albomi, ikkita chill-out albomi va turli singllarni, shuningdek, boshqa qoʻshiqichilar bilan birgalikda bir qator qoʻshma loyihalarni chiqargan[11].

2009-yilda qoʻshiqchi Yurmaladagi Dzintari konsert zalida boʻlib oʻtgan „New wave“ tanlovida maxsus mehmon sifatida ishtirok etadi. In-Griddan tashqari, Roxett, Alla Pugachova, Eros Ramazzotti, Lisa Stansfield, Dmitriy Xvorostovskiy, Laima Vaykule va boshqalar ham tanlovning muhim mehmonlari boʻlishgan. Qoʻshiqchi tanlovda hakamlar hay’ati aʼzosi ham boʻlgan[12][13]. Yana oʻsha yili Sopot festivalida ham ishtirok etadi[14].

2012-yilda qoʻshiqchi Edita Pyehaning „Nash sosed“ shlyagerining kaver versiyasi boʻlgan "La Trompette" trekini chiqaradi. Singl ikki: DJ Gary Caos va DJ Riko Bernasconi versiyalarida chiqqan[15].

2014-yilda „Beliye nochi Sankt-Peterburga“ („Sankt-Peterburgning oq tunlari“) xalqaro musiqa festivalida ishtirok etgan[16].

2018-yilda Bokuda boʻlib oʻtgan „Jara“ xalqaro musiqa festivalida ishtirok etadi[17].

2019-yilda Vitebskdagi „Slavyan bozori“ festivalining mehmoni boʻlgan[18][19].

Taʼlimi

Xonanda PhD ilmiy darajasiga ega va italyan, fransuz, ingliz, nemis va rus tillarini biladi[20][21].

Diskografiyasi

  • Rendéz-Vous (2003)
  • La Vie En Rose (2004)
  • Voila! (2005)
  • Passion (2009)
  • Lounge Musique (2010)

Manbalar

  1. ↑ „In-Grid“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  2. ↑ „Vыshel klip na optimistichnuyu pesnyu In-Grid Be Italian“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  3. ↑ „S kem vstrechaetsya In-Grid“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  4. ↑ „Intervьyu s pevitsey In-Grid“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  5. ↑ „Pevitsa In-Grid: "Beshbarmak budu estь tolьko rukami"“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  6. ↑ IN-GRID "Discovery Festival" Varna - Bulgaria YouTubeda
  7. ↑ „Itogi-2003: Chyo bы ne popetь, esli figura xoroshaya?“ (ru). 2020-yil 10-aprelda asl nusxadan arxivlangan. Qaraldi: 2023-yil 17-noyabr.
  8. ↑ 8,0 8,1 „In-Grid, italьyanskaya pevitsa, kompozitor, aranjirovщik: «Italьyantsы ne znayut menya v litso»“ (ru). 74.ru (2013-yil 18-mart). 2019-yil 4-yanvarda asl nusxadan arxivlangan. Qaraldi: 2019-yil 4-fevral.
  9. ↑ „"Rekordʼ-2003" poluchili "Lyube", "Blestyaщie" i Sony Music“. InterMedia (6 noyabrya 2003). 2021-yil 5-martda asl nusxadan arxivlangan. Qaraldi: 2013-yil 10-avgust.
  10. ↑ „About In-Grid — Gold Disc/Platinum Disc“ (it). in-grid.it. 2012-yil 29-sentyabrda asl nusxadan arxivlangan. Qaraldi: 2019-yil 4-fevral.
  11. ↑ 11,0 11,1 Arena, James. Stars of 21st Century Dance Pop and EDM: 33 DJs, Producers and Singers Discuss Their Careers (en). McFarland, 2017-05-19. ISBN 978-1-4766-7022-5. 
  12. ↑ „Krutoy uveren v vыsokom urovne "Novoy volnы" daje v period krizisa“. 2022-yil 17-noyabrda asl nusxadan arxivlangan. Qaraldi: 2022-yil 17-noyabr.
  13. ↑ „InGrid v Yurmale chuvstvuet sebya kak doma“. 2022-yil 17-noyabrda asl nusxadan arxivlangan. Qaraldi: 2022-yil 17-noyabr.
  14. ↑ In-Grid - Le Dragueur (Live @ Sopot Hit Festival_ Poland 2009) YouTubeda
  15. ↑ „Pesnyu Editы Pьexi spela In-Grid“ (ru). NEWSmuz.com (2011-yil 9-dekabr). 2013-yil 6-aprelda asl nusxadan arxivlangan. Qaraldi: 2019-yil 5-fevral.
  16. ↑ „Pevitsa In-Grid i gruppa Duran Duran prisoedinilisь k festivalyu "Belыe nochi Peterburga"“ (ru). 2023-yil 27-oktyabrda asl nusxadan arxivlangan. Qaraldi: 2023-yil 17-noyabr.
  17. ↑ „Pevitsa In-Grid priletela v Baku – foto, video“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  18. ↑ „"Slavyanskiy bazar v Vitebske" zakrыvaetsya, no kontsertы prodoljayutsya“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  19. ↑ „Zavershilsya «Slavyanskiy bazar». Vspominaem luchshie momentы festivalya v Vitebske“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  20. ↑ „Kak sozdavalsya glavnыy xit 2003 goda Tu Es Foutu ot In-Grid“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr.
  21. ↑ „Populyarnaya pevitsa Ingrid: kratkaya biografiya“ (ru). 2023-yil 17-noyabrda asl nusxadan arxivlangan. Qaraldi: 2023-yil 17-noyabr. 
"https://new.ziyosfera.uz/ziyo/In-Grid" dan olindi