Indira Xoldarova
Xoldarova Indira Abdukarimovna — oʻzbek pedagogi, siyosatchisi. 2025-yilning 18-sentabridan Oʻzbekiston Respublikasi Maktabgacha va maktab taʼlimi vazirligi huzuridagi Respublika „Kelajak markazi“ direktori[1]. Turli yillarda yoshlar tashkilotlarida faoliyat yuritgan. Pedagogika fanlari boʻyicha falsafa doktori (2023)[2].
| Xoldarova Indira Abdukarimovna | |
|---|---|
| Fayl:Indira Xoldarova.jpg | |
  | |
|
Mansab davri 2025-yil 18-sentabr – hozirgacha | |
| Prezident | Shavkat Mirziyoyev |
| Vazir | Eʼzozxon Karimova |
| |
|
Mansab davri 2020 – 2022 | |
| Prezident | Shavkat Mirziyoyev |
| Shaxsiy maʼlumotlari | |
| Tavalludi |
1985-yil Toshkent shahri |
| Fuqaroligi |
Oʻzbekiston |
| Millati | oʻzbek |
| Taʼlim | Toshkent davlat pedagogika universiteti |
| Kasbi | pedagog |
| Ilmiy unvoni | pedagogika fanlari boʻyicha falsafa doktori (PhD) |
| Maʼlumoti | oliy |
Hayoti
Indira Xoldarova 1985-yilning 22-yanvar kuni Toshkent shahrining Bektemir tumanida tavallud topgan. Oʻrta taʼlimni olgach, 2013-yil Toshkent davlat pedagogika universiteti (hozirgi Oʻzbekiston milliy pedagogika universiteti)ga oʻqishga qabul qilinadi. 2017-yilda bakalavrni, 2019-yilda esa magistratura bosqichini muvaffaqiyatli yakunlagan.
Faoliyati
Indira Xoldarova ish faoliyatini Toshkent shahri Mirobod tumanidagi 31-sonli maktabda rus tili fani oʻqituvchisi sifatida boshlagan. Maktabda „Kamolot“ yoshlar ijtimoiy harakati boshlangʻich tashkilot yetakchisi sifatida ham oʻz faoliyatini olib borgan. 2017-2022-yillarda Yoshlar ittifoqining turli lavozimlarida faoliyat yuritgan. 2020-yildan 2022-yilgacha Oʻzbekiston Yoshlar ittifoqi Markaziy kengashi raisi oʻrinbosari — ‘‘Kamalak’’ bolalar tashkiloti raisi sifatida faoliyat olib borgan. 2022-yildan 2023-yilgacha Oʻzbekiston Respublikasi Yoshlar ishlari agentligining Besh tashabbus loyihalarini muvofiqlashtirish boshqarmasi boshligʻi lavozimida ishlagan. 2023-yildan 2025-yilgacha Maktabgacha va maktab taʼlimi vazirligi Maktabdan tashqari taʼlimni tashkil etish boʻlimi boshligʻi lavozimida ish faoliyatini olib borgan[3]. 2025-yilning 18-sentabr kuni Maktabgacha va maktab taʼlimi vazirining tegishli buyrugʻi bilan Respublika „Kelajak markazi“ direktori lavozimiga tayinlangan[4]. Ish faoliyati davomida yirik masshtabdagi loyihalar, jumladan, „Turon“ maktab teatri tanlovi, „Iqtidor“ maktab ansambli loyihalarini amalga oshirishda oʻz hissasini qoʻshgan. 2023-yilning 21-oktabr kuni Jizzax davlat pedagogika universiteti huzuridagi ilmiy darajalar beruvchi Ilmiy kengashning xulosasiga muvofiq, pedagogik taʼlimotlar tarixi ixtisosligi boʻyicha „Bullingning oldini olishda liderlar salohiyatidan foydalanish“ mavzusidagi pedagogika fanlari boʻyicha falsafa doktori (PhD) ilmiy darajasi taqdim etilgan[5].
Manbalar
- ↑ „Indira Xoldarova Respublika “Kelajak” markazi direktori etib tayinlandi“. Gazeta.uz. Qaraldi: 2026-yil 5-may.
- ↑ „Xoldarova Indira Abdukarimovnaning pedagogika fanlari bo‘yicha falsafa doktori (PhD) dissertatsiya ishi himoyasi to‘g‘risida“. UzA. Qaraldi: 2026-yil 5-may.
- ↑ „Yangi tashkil etilgan Respublika “Kelajak markazi”ga direktor tayinlandi“. xalqtaliminfo.uz. Qaraldi: 2026-yil 5-may.
- ↑ „Indira Xoldarova “Kelajak markazi”ga rahbar etib tayinlandi“. Anhor.uz. Qaraldi: 2026-yil 5-may.
- ↑ „Bullingning oldini olishda liderlar salohiyatidan foydalanish“. ZiyoNet. Qaraldi: 2026-yil 5-may.