Induksion pech

Индуксион печ - металларни суюлтириш учун мўлжалланган электротермик қурилма. Асосан, тигелли ва каналли И. п.лар қўлланади.

Тигелли И. п. мис найчалардан қилинган соленоиддан иборат бўлган индуктор ва тигелдан ташкил топади. Очиқ, вакуумли, газ тўлдирилган ва компрессион хиллари бор. Суюлтириладиган материалга қараб, тигел керамик материаллар, графит, пўлат ва ҳоказодан тайёрланади. Ҳажми бир неча кг дан бир неча т гача. Печ паст, ўрта ва юқори частотали ток билан ишлайди. Тигелли И. п. да пўлат, чўян, мис, алюминий, магний ва қимматбаҳо металлар суюлтирилади.

Каналли И. п. нинг асосий қис-млари: эритиш ваннаси, магнит ўзак, индуктор, туб тоши. Бундай И. п. да электр утказувчи модда билан тулдириб туриладиган каналда электромагнит энергия иссиқлик энергиясига айланади. Унда рангли металлар ва уларнинг қотишмалари, чўян суюлтирилади. Ҳажми бир неча юз кг дан бир неча т гача. Каналли И. п. саноат частотасидаги ток билан ишлайди. И. п. ларда индуксион қиздириш, яъни узга-рувчан электромагнит майдон таъсирида вужудга келадиган электр токи билан қиздириш усулидан фойдаланилади.