Ziyosfera

Institutions, Institutional Change and Economic Performance

„Institutions, Institutional Change and Economic Performance“ (tarjimasi „Institutlar, institutsional oʻzgarishlar va iqtisodiy samaradorlik“) – amerikalik iqtisodchi Douglass North yozgan asar. Ilk bor 1990-yil Kembrij universiteti nashriyotida chop etilgan. Kitobda nima sabadan ayrim iqtisodlar rivojlanib, boshqalari tanazzulga yuz tutishi haqida soʻz boradi[1]. North asarda institutlar iqtisodiy rivojlanishda muhim oʻrin tutadi degan argumentni ilgari suradi[2].

Institutions, Institutional Change and Economic Performance
Muallif(lar) Douglass North
Til inglizcha
Nashr etilgan sanasi 1990
Nashriyot Kembrij universiteti nashriyoti
Sahifalar soni 152
ISBN ISBN 0-521-39416-3

Taqrizi

Shimoliy Karolina universiteti xodimi Michael C. Mun asarga yozgan taqrizida uni „hayajonli, gʻashga teguvchi, qiziqarli va chala“ deya tavsifladi[1]. Shuningdek, asarning argumentlari boshqacha fikrlaydiganlar fikrini oʻzgartirish uchun yetarli emasligini taʼkidladi. Shunday boʻlsa-da, North xohlaganidek kitob institutlar haqidagi tasavvurini yaxshilaganini tan oldi. Chikago universiteti xodimi David W. Galenson kitobga yozgan taqrizida North institutlar haqidagi izlanishlarning yaxshi rezyumesini yozganini olqishladi, ammo ayrim misollari masalani soddalashtirishini aytib, tanqid qildi[2].

Tarjimalari

Kitob bir necha tilga, jumladan, olmon, ispan, rus, xitoy, tillariga tarjima qilingan. 2024-yil Oʻzbekiston Yoshlar ishlari agentligi yoʻlga qoʻygan „1000 kitob“ loyihasi doirasida oʻzbek tiliga oʻgirilgan boʻlib, 2025-yil bosilib chiqishi rejalashtirilgan. Asarni oʻzbek tiliga Mirzohid Qarshiyev tarjima qilgan[3].

Manbalar

  1. ↑ 1,0 1,1 Munger, Michael C. (1991). „Review of Institutions, Institutional Change and Economic Performance“. Southern Economic Journal (inglizcha). 58-jild, № 1. 296–297-bet. doi:10.2307/1060065.
  2. ↑ 2,0 2,1 Galenson, David W. (1993). „Review of Institutions, Institutional Change and Economic Performance, by D. C. North“. Economic Development and Cultural Change, (inglizcha). 41-jild, № 2. 419–422-bet.{{cite magazine}}: CS1 maint: extra punctuation ()
  3. ↑ „1000 kitob loyihasi uchun menejerlar ishga olinishi e’lon qilindi“ (15 yanvar 2025). Qaraldi: 2025-yil 2-fevral.

Havolalar

"https://new.ziyosfera.uz/ziyo/Institutions,_Institutional_Change_and_Economic_Performance" dan olindi