Inversiya

Инверсия (лотинча унверсио – ўрнини алмаштириш) (тилшуносликда) – гап бўлаклари одатдаги тартибининг ўзгариши. Тилда икки хил вазифа бажаради: семантик ва асемантик. Семантик вазифаси гапнинг бирор бўлагини алоҳида таъкидлаш йўли билан нутққа эмоционал-экспрессив руҳ бахш этишда (мас, Бу чол шу аҳволда қаёққа боради? – Шу аҳволда қаёққа боради бу чол?!), асемантик вазифаси эса сурок, ран (айниқса, роман ва герман тилларида), шеъриятда композиция, ритм, вазн, қофия ҳосил қилишда намоён бўлади (мас, кетдими у?; илк бор розилик сўрашим менинг). И., фақат услубий эмас, балки синтактик-услубий (синтактикпоэтик) ҳодисадир. У жонли сўзлашув тилида, бадиий адабиётда, айниқса, шеъриятда кўп уч-райди.