Irene Kondachi
Ирене Кондачи (1899–йил 7–июн – 1970–йил 3–сентябр) малталик шифокор, Иккинчи жаҳон уруши пайтида оролда амалиёт ўтказган иккита аёл шифокордан бири. Тиббиёт хизмати асосчиларидан бири, таълим тизимида қўтир касаллигини йўқ қилишда катта ҳисса қўшган.
| Ирене Кондачи | |
|---|---|
| Таваллуди |
7-июн 1899-йил Валлетта, Малта |
| Вафоти |
1970–йил 3–сентабр Пиэтà, Малта |
| Касби | Шифокор |
| Фаолият йиллари | 1928–1959 |
Ёшлиги
Ирене Кондачи 1899–йил 7–июнда Малтада туғилган. Унинг оиласи Грециядан оролга кўчиб келган, отаси Констанино Кондачи савдогар эди[1]. Ирененинг уйдан ташқарида ишлайдиган аёлларга нисбатан бағрикенг муносабатда бўлган юнон православ анъаналарида тарбияланган[2]. 1916–йилда Малта университетида тиббиёт соҳасида ўқишни бошлади, лекин бир йилдан кейин ўқишни тарк этди. Ўн йил ўтгач, Неапол университетини тиббиёт шифокори сифатида тамомлади. Ўқишни давом эттириб, Кондачи 1928–йилда Павиа университетида педиатрия бўйича мутахассис даражасини олди[1].
Фаолияти
Ўқишни тугатгандан сўнг Малтага қайтиб келган Кондачи Валлеттадаги Малта университетининг акушерлик ва гинекология бўйича профессори Жозеф Эллулнинг ёрдамчиси бўлди[1][3]. 1938–йилда ҳукумат мактабининг тиббиёт ходими сифатида ишга қабул қилинди[1]. Уруш бошланганда, кўплаб эркаклар жангга кетгани сабабли аёллар оролнинг мудофаа хизматларига кўпроқ жалб қилинди. Кондачи офталмолог ва стоматолог билан бирга тиббий хизмат кўрсатишни бошлади. Транспорт йўқлиги сабабли 1941–йилдан 1942–йилгача бўлган даврда 20 000 дан ортиқ мактаб ўқувчиларини эмлаш ва тиббий кўрикдан ўтказиш учун оролнинг турли мактабларига пиёда борган. У давлат мактабларида нефтга асосланган малҳам ёрдамида қўтирни йўқ қилиш учун мас’ул бўлган[2]. 1941–йилда давлат мактаблари касалхоналар ва қочқинлар марказларига айлантирилди. Ирене Қорми шаҳридаги ҳукумат мактабида жойлашган касалхонани назорат қилаётганда, муассаса бомбардимон қилинди ва Кондачи, унинг ходимлари, қочқинлар ва ўқувчилари қизлар мактаби остидаги ертўлага беркинишди[4]. Уруш пайтида Малтада ишлаган икки аёл шифокордан бири бўлган[2] Кондачи 1959–йилгача Таълим вазирлигида тиббиёт ходими сифатида ишлаган. У ўз даврида давлат хизматида ишлаган энг кўп маош олувчи аёл эди[1].
Ўлими
Кондачи 1970–йилда вафот этди[1].