Irina Bliznova
Ирина Юриевна Близнова (1986-йил 6-октябрда туғилган, Краснодар, СССР) – россиялик гандболчи, футболчи ва Россия терма жамоасининг собиқ сардори, Россияда хизмат кўрсатган спорт устаси. 2016-йилги Олимпия чемпиони, 2008-йил Пекиндаги ёзги Олимпия ўйинларининг кумуш медали совриндори.
Биографияси
Краснодарда туғилган. 8 ёшидан маҳаллий Олимпия захиралари болалар ва ўсмирлар спорт мактабида гандбол билан шуғулланган. Иринанинг биринчи мураббийлари Сергей Николаевич ва Ирина Василевна Кос бўлган. Фаолиятининг кўп қисмини „Лада“ клубида ўтказган, жамоа таркибида бир қатор совринларни қўлга киритган. Россия терма жамоаси таркибида 2005 ва 2007-йилларда икки марта Жаҳон чемпионатида ғолиб чиққан, 2016-йилда эса Олимпия ўйинлари чемпиони бўлган. Рио-де-Жанейрода ғалаба қозонганидан сўнг, фаолиятини якунлашини эълон қилган. 2019-йил май ойида спортдаги фаолиятини давом эттиришини эълон қилган ва „Лада“ гандбол клуби билан янги шартнома имзолаган. 2020-йил август ойида яна фаолиятини якунлашга қарор қилган. Гандболчи ўз қарорини Толятти „Лада“ билан янги шартнома борасида келиша олмагани билан изоҳлаган.
Спортдаги фаолиятини якунлагач
Толятти иқтисодиёт ва технология коллежида (ТЕТК) „Жисмоний тарбия“ мутахассислиги бўйича етакчи ўқитувчи бўлиб ишлаган.
2017-йил 28-августда ихтиёрий равишда Толятти шаҳри раҳбарининг спорт бўйича маслаҳатчиси этиб тайинланган[1].
2018-йилда Толятти Думасига номзод сифатида „Ягона Россия“ партияси рўйхатида қатнашган[2].
2020-йилда „Толяттикаучук“ кўмагида Ирина Близнова номидаги гандбол мактабини ташкил этган.
2021-йил 25-апрелда „Лада“ гандбол клуби директори, 2021-йил июл ойида эса клуб президенти бўлади.
Шахсий ҳаёти
2009-йилда Халқаро бозор институтини тамомлаган[2]. Толятти давлат университетида жисмоний тарбия ва спорт соҳасида касбий қайта тайёрлашдан ўтди. Эри: Александр Смирнов. Икки фарзанди бор.
Ютуқлари
2001:
- Қизлар ўртасида Россия чемпиони
2003:
- Ёшлар ўртасидаги Европа чемпиони
2004:
- Ёшлар ўртасидаги Европа чемпиони
2005:
- Ёшлар ўртасидаги жаҳон чемпиони;
- Жаҳон чемпиони
- Россия чемпиони
2006:
- Европа чемпионатининг кумуш медали совриндори;
- Россия чемпиони
- Россия кубоги ғолиби
2007:
- Жаҳон чемпиони
- Жаҳон кубоги ғолиби
- Чемпионлар лигасининг кумуш медали соҳиби
- Россия чемпионатининг кумуш медали совриндори;
2008:
- Россия чемпиони
2008:
- Пекин Олимпиадасининг кумуш медали совриндори
2012:
- Европа гандбол федерацияси кубоги ғолиби
2016:
- 2016 йилги Рио-де-Жанейродаги Олимпиада чемпиони
Мукофот ва унвонлари
- Россияда хизмат кўрсатган спорт устаси
- ИИ даражали „Ватанга хизматлари учун“ медали (2009-йил 2-август) – жисмоний тарбия ва спортни ривожлантиришга қўшган улкан ҳиссаси, 2008-йилда Пекинда бўлиб ўтган ХХИХ Олимпиада ўйинларида юқори спорт ютуқлари учун[3]
- Дўстлик ордени (2016-йил 25-август) – 2016-йилда Рио-де-Жанейро шаҳрида (Бразилия) бўлиб ўтган ХХХИ Олимпиада ўйинларида ғалаба қозониш иродасини ва қатъиятини кўрсатган юқори спорт ютуқлари учун[4].
Манбалар
- ↑ „Олимпийская чемпионка Ирина Близнова стала советником Сергея Анташева“. 2021-йил 20-майда асл нусхадан архивланган. Қаралди: 2021-йил 20-май.
- ↑ 2,0 2,1 „Близнова Ирина Юрьевна/энциклопедия кандидатов“. 2021-йил 20-майда асл нусхадан архивланган. Қаралди: 2021-йил 20-май.
- ↑ Указ Президента РФ от 2-августа 2009 г. № 885
- ↑ „Указ Президента Российской Федерации от 25.08.2016 № 429 «О награждении государственными наградами Российской Федерации»“. 2018-йил 18-октябрда асл нусхадан архивланган. Қаралди: 2016-йил 25-август.