Isaak Kikoin

Исаак Константинович Кикоин [1908.15(28).3, Жагаре ш., ҳозирги Литва — 1984] — рус физиги, Академик (1953). 2 марта Меҳнат Қаҳрамони (1951, 1978). Ленинград политехника институтини тугатган (1930). Илмий ишлари қаттиқ жисмлар физикаси, атом физикаси ва техникасига оид. Кикоин — Носков эффектини кашф этган (1933). Суюқ металларда Холл эффектини биринчи бўлиб ўлчаган. Металлар ва яримўтказгичларнинг электр ва магнит хоссаларини тажрибада ўрганган. Юқори зичликдаги симоб буғининг ток ўтказувчанлиги металлар ўтказувчанлигига ўхшаш бўлишини аниқлаган. У И. В. Курчатов билан ҳамкорликда атом энергетикасининг ривожланишига катта ҳисса қўшган.