Ishtixon
Иштихон — Ўзбекистон Республикаси Самарқанд вилоятининг Иштихон туманидаги шаҳар, туман маркази. Самарқанд шаҳридан 68 км узоқликда, энг яқин темир йўл стансияси — Каттақўрғон шаҳридан (22 км) масофада жойлашган. Аҳолиси 12,3 минг кишидан иборат (2001). Шаҳарда туман ҳокимлиги биноси, алоқа бўлими, 3 та умумий таълим мактаби, лицей, педагогика ва тиббиёт касб-ҳунар мактаблари, кутубхона, деҳқон бозори, „Шаҳидлар“ ёдгорлиги мажмуи, "Иштихон Ресторан" ресторани,савдо ва маиший хизмат шохобчалари бор.
Иштихон | |
|---|---|
| шаҳар | |
| 39°57′59″Н 66°29′10″Э / 39.96639°Н 66.48611°Э | |
| Мамлакат | Ўзбекистон |
| вилоят | Самарқанд вилояти |
| туман | Иштихон тумани |
| Аҳолиси (2001) |
12 300 |
| Вақт минтақаси | УТC+5 |
|
| |
Иштихон қадимдан маълум бўлиб, илк заминдорлик даврида мустақил ҳокимликнинг маркази бўлган, кейинчалик Суғдиёна таркибига кирган. Самарканд араблар томонидан босиб олингач (ВИИИ-аср бошлари), Суғд ихшидлари Иштихонга келиб уни пойтахт қилган. Х-асрда Иштихон қалъа, шаҳристон ва рабоддан иборат катта шаҳар бўлган. Кейинги асрларда ҳам йирик савдо шаҳри сифатида машҳур эди. Тарихий манбаларда Иштихон савдо-сотиқ ривожланган, атрофи боғ-роғ, далалар билан ўралган чиройли шаҳар сифатида тилга олинади. Иштихонга Зарафшон дарёси орқали сув келган. Кейинчалик шаҳар ҳаробага айланган. Унинг ўрнида кичикроқ қишлоқ (ҳозирги Иштихон шаҳри) вужудга келган.[1]
Манбалар
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |