Ismoil Jalilov

Исмоил Тўлаганович Жалилов (1948-йил 29-январда Тошкент шаҳрида туғилган) – опера ҳонандаси (драматик тенор). Ўзбекистон халқ артисти (2000). Москва консерваториясида таълим олган (1976—80). "Яляа" ансамбли (1975—76), Катта театр (1979—81), А. Навоий номидаги опера ва балет театри (1981—90), Россия радио ва телевидение қошидаги Эстрадасимфоник оркестри (1990—98) да яккахон хонанда. 1998-йилдан Ўзбекистон миллий симфоник оркестрининг директори ва бадиий раҳбари. Нафис, кучли ва кенг диапазонли овоз соҳиби. Ўзбек ва Европа операларида асосий ролларни маҳорат билан ижро этган: Чўпон (С. Юдаков, "Майсаранинг иши"), Розий (С. Жалил, "Зебуннисо"), Герсог, Алфред (Ж. Верди, "Риголетто", "Травиата"), Хозе (Ж. Бизе, "Кармен") ва б. Консерт репертуаридан ўзбек (С. Юдаков, Ҳ. Раҳимов, Ик. Акбаров, А. Эргашев ва б.) ва чет эл (С. Рахманинов, П. Чайковский, Э. Григ, Ж. Гершвин, А. Бабажанян, Тости ва б.) композиторларининг асарлари, турли халқ (жумладан, италян) қўшиқлари ўрин олган. АҚСҲ, Европа ва Осиё мамлакатларида гастролда бўлган. Риоде Жанейро халқаро танлови ғолиби (1979).