Ziyosfera

Isroil banki

Исроил банки (ибронийча: בנק ישראל‎, арабча: بنك إسرائيل‎‎) Исроилнинг марказий банкидир. Банкнинг бош офиси Қуддусдаги Кирят ҲаМемшала округида жойлашган бўлиб, Тел-Авивда филиали фаолият кўрсатади. Ҳозирги раиси - Амир Ярон[4].

Исроил банки
בנק ישראל (ибронийча)
بنك إسرائيل (арабча)
Бош қароргоҳи Исроил Қуддус шаҳри Кирят ҲаМемшала округи
Ташкил этилган йили 1954-йил 24-август (1954-08-24)
Мулкчилик шакли Давлат мулки[1]
Раис Амир Ярон (2018-йилдан бери)
Марказий банки Isroil bayrogʻi Исроил
Валютаси Шекел
Олтин-валюта захиралари $206 млрд
(тахминан ₪664 млрд) (2022-йил март)[2]
Фоиз ставкаси 4.5% (2023-йил апрел)[3]
Ўтмишдоши Банк Леуми
Веб сайти бои.орг.ил
Қуддусдаги Исроил банки қароргоҳи.

Исроил банкининг асосий мақсади нарх барқарорлиги ва Исроилда молия тизимининг барқарорлигини таъминлашдир[5][6]. Шунингдек, регулятор Исроилда пул-кредит сиёсатини бошқаради ва амалга оширади[7], валюта операцияларини амалга оширади, банк тизимини назорат қилади ва тартибга солади[8], олтин-валюта захиралари[9] ва молия бозори инфратузилмаси фаолиятига ёрдам беради. Исроил банки ўз Низомининг 41 ва 44-моддаларига кўра, шекел банкнотлари ва тангаларини чиқариш бўйича мутлақ ҳуқуққа эга[10].

Тарихи

1948-йилда Исроил давлати ташкил этилганда, банкнотларни чиқариш ваколати 1950-йилда Миллий банк (ивритча: Банк Леуми) номи билан қайта ташкил этилган Англия-Фаластин банкига берилган эди. Пул-кредит сиёсати ва банк назорати Молия вазирлигининг тасарруфида қолди.

Исроил банки 1954-йил 24-августда, мамлакат парламенти, Кнессет Молия вазирлигининг валюта чиқариш ва тартибга солиш функсияларини янги ташкил этилган банкка топширадиган Исроил банки тўғрисидаги қонунини қабул қилганда ташкил этилган. Валюта айирбошлаш устидан назорат 1978-йилгача банкка берилмаган. Банк 1985-йилда тўлиқ мустақил бўлган ва 1992-йилдан бери банк ўзининг пул-кредит сиёсатини Исроил ҳукумати томонидан белгиланган инфляцион таргетлашга эришиш учун бошқаради - бу бугунги кунда йиллик 1 дан 3 фоизгача бўлган диапазон нарх барқарорлиги деб ҳисобланади. Бундан ташқари, банк мамлакатнинг валюта захираларини бошқаради.

2010-йилда Исроил банки ИМДнинг Жаҳон рақобатбардошлик йилномасига кўра самарали ишлаш бўйича марказий банклар орасида биринчи ўринни эгаллади[11].

2010-йил март ойида Кнессет 2010-йил 1-июндан кучга кирган Исроил банки тўғрисидаги қонуннинг янги таҳририни қабул қилди[12]. Янги таҳрирдаги қонун банкнинг мақсадларини белгилаб беради ҳамда банкнинг сиёсат воситалари ва уларни амалга ошириш усулларини белгилашда мустақиллик беради. Қонун Исроил банкида асосий қарорлар қабул қилинадиган доирани ўзгартирди. Фоиз ставкаси ва пул-кредит сиёсати бўйича қарорлар, умуман олганда, Пул-кредит қўмитаси томонидан қабул қилинади, бошқарув қарорлари эса Кузатув кенгаши томонидан тасдиқланади. Бу Исроил банкини бошқа молия институтларининг қарор қабул қилиш тартибларига кўпроқ мослаштиради.

Биноси

Қуддусдаги ҳозирги бош офиси Ариэ Шарон ва унинг ўғли Элдар Шароннинг меъморчилик идораси томонидан ишлаб чиқилган. Улар 1966-йилда лойиҳа учун биринчиликни қўлга киритдилар ва 1974-йилгача дизайни устида ишладилар[13]. Бино 1981-йилда очилган. Дизайн тескари пирамидага ўхшайди ва Бостон шаҳар ҳокимияти биносидан илҳомланган. Бино 2015-2018 йиллар давомида капитал та’мирланди ва реконструксия қилинди.

Раислари

  • Девид Ҳоровитз, 1954-1971 йиллар
  • Моше Санбар, 1971-1976 йиллар
  • Арнон Гафни, 1976–1981 йиллар
  • Моше Менделбаум, 1982-1986 йиллар
  • Майкл Бруно, 1986-1991 йиллар
  • Якоб А. Френкел, 1991–2000 йиллар
  • Девид Клеин, 2000-2005 йиллар
  • Стенли Фишер, 2005–2013 йиллар
  • Карнит Флуг, 2013–2018 йиллар
  • Надин Бодо-Трайтенберг, 2018-йил 14-ноябрдан 24-декабргача раис вазифасини бажарувчи[14].
  • Амир Ярон, 2018-йилдан ҳозиргача.

Яна қаранг

Манбалар

  1. ↑ Wеиднер, Жан „Тҳе Органисатион анд Струcтуре оф Cентрал Банкс“ (ПДФ). Каталог дер Деуцчен Натионалбиблиотҳек (2017).
  2. ↑ „Исраэл Аддс Юан то $206 Биллион Ресервес ин 'Пҳилосопҳй' Чанге“ (инглизча) (20-апрел 2022-йил). Қаралди: 21-апрел 2022-йил.
  3. ↑ Катз, Аҳарон. „Банк оф Исраэл ҳикес интерест рате то 4.5%“. эн.глобес.cо.ил (3-апрел 2023-йил).
  4. ↑ 'Карнит Флуг намед Банк оф Исраэл говернор', ОCТОБЕР 20, 2013
  5. ↑ „תמיכה בפעילותם הסדירה וביציבותם של השווקים הפיננסיים“ (ҳе-ИЛ). Қаралди: 27-ноябр 2018-йил.
  6. ↑ „חוק בנק ישראל, התש"ע-2010“ (ҳе-ИЛ). Қаралди: 27-ноябр 2018-йил.
  7. ↑ „ניהול המדיניות המוניטרית“ (ҳе-ИЛ). Қаралди: 27-ноябр 2018-йил.
  8. ↑ „פיקוח והסדרה של מערכת הבנקאות“ (ҳе-ИЛ). Қаралди: 27-ноябр 2018-йил.
  9. ↑ „החזקת יתרות מטבע החוץ של המדינה וניהולן“ (ҳе-ИЛ). Қаралди: 27-ноябр 2018-йил.
  10. ↑ „הנפקת מטבע, והסדרת מערכת המזומנים במשק“ (ҳе-ИЛ). Қаралди: 27-ноябр 2018-йил.
  11. ↑ 'Исраэл'с эcономй мост дурабле ин фаcе оф cрисес', Йнет 05.20.2010
  12. ↑ Исраэл Министрй оф Фореигн Аффаирс Wебсите
  13. ↑ 'Шарон Арчитеcц' ҳомепаге (ин Ҳебреw).
  14. ↑ Баркат, Амирам. „Надине Баудот-Тражтенберг беcомес аcтинг БоИ Говернор“. Глобес (14-ноябр 2018-йил). Қаралди: 14-ноябр 2018-йил.

Қўшимча ўқиш учун

Ҳаволалар

"https://new.ziyosfera.uz/ziyo/Isroil_banki" dan olindi