Issiqlik muvozanati

Иссиқлик мувозанати — модда алмашинувисиз системалар иссиқлик контактига келтирилганда уларнинг тралари ўзгармайдиган термодинамик ҳолат. Агар икки термодинамик мувозанатли системаларни модда алмашинувсиз иссиклик контактига келтирилганда иссиқлик алмашинуви содир бўлмаса, уларнинг ҳолатлари ўзгармайди ва улар И. м. да бўлади; иссиқлик алмашинуви содир бўлса, уларнинг мувозанатли ҳолатлари бузилади (бири қизийди, иккинчиси совийди) ва бир қанча вақтдан кейин иккала система бошқа И. м. ли ҳолатга келади.

Термодинамиканинг асосларидан бири: системанинг ҳарорати даражасини ва унинг ўзгаришини аниқлайдиган И. м. ли ҳолатнинг функсияси — температура мавжудлигидир. Жисмнинг ҳар бир И. м. ли ҳолати (ҳароратнинг ҳар бир даражаси) га шу жисм хоссасининг (мас, ҳажм ўзгариши, электр ўтказувчанлик, нурланиш) биргина қиймати мос келади; жисм хоссасининг ўзгаришига мос унинг температураси қийматлари аниқланади. Бу эталон жисм (термометр) ни бошқа система билан иссиқлик контактита келтирилади ва И. м. га келганда уларнинг тралари аниқланади; икки жисм И. м. да бўлса, улар бир хил температурага эга бўлади.

Агар В ва С системалар билан А система И. м. да бўлса, тажриба кўрсатадики, Вва С системалар ўзаро И. м. дабўлади. Бу транзитив хоссага, асосан, термометрдан фойдаланиб, системаларнинг тралари аниқланади.