Istisqo sahifasining manbasini koʻrish

'''Istisqo''' (arabcha) — organizm boʻshliqlari, toʻqimalari, xususan, teri osti yogʻ qavati (kletchatka) da suyuqlik ([[transsudat]]) toʻplanishi. Suyuqlik qaysi aʼzoda yigʻilganligiga qarab [[bosh miya]], [[koʻkrak]], moyak, [[perikard]], [[qorin]] va boshqa aʼzolar istisqosi farq qilinadi. [[yurak kasalliklari|Yurak]], [[buyrak kasalliklari]], [[homiladorlik toksikozlari]] va boshqa kasalliklarda kuzatiladi.

== Turlari ==
Koʻz istisqosi [[gidroftalm]], bosh miya istisqosi [[gidrotsefaliya]], plevra istisqosi [[gidrotoraks]], qorin istisqosi [[assit]], [[bachadon nayi]] istisqosi [[gidrosalpinks]], moyak pardalari istisqosi [[gidrotsele]], perikard istisqosi [[gidroperikard]], boʻgʻim istisqosi [[gidroartrit]] deb ataladi. Homiladorlar istisqosi, urugʻ tizimchasi istisqosi, koʻz yoshi xaltachasi istisqosi ajratiladi. [[Abu Ali ibn Sino]] nogʻorasimon istisqo (yel istisqosi) ni ham ajratadi.

Istisqoning umumiy va mahalliy xillari bor. Umumiy istisqo yurak-tomir sistemasi (yurak shishlari, bunda shish koʻproq tananing pastki qismlarida boʻladi), [[Buyrak yetishmovchiligi|buyrak kasalliklari]], holdan toyish va oqsil yetishmovchiligi holatlarida yuzaga keladi. Mahalliy istisqo koʻpincha tananing maʼlum bir qismidagi venalar (darvoza, son venalari va boshqalar) ning qisilishi natijasida paydo boʻladi. Istisqoda organizmda moddalar almashinuvining barcha turi izdan chiqadi, bu [[distrofiya]], hatto [[toʻqima]]larning nekroziga olib keladi.

== Davosi ==
Asosiy kasallik bartaraf qilinadi. Suyuqlik koʻp yigʻilganda xirurgik davo qoʻllanadi.<ref>[[OʻzME]]. Birinchi jild. Toshkent, 2000-yil</ref>

== Manbalar ==
{{manbalar}}
{{med-stub}}