Ivan Bebek
Ivan Bebek (1977-yil 30-mayda tugʻilgan) — xorvatiyalik futbol hakami.
_37.jpg) Bebek, 2017-yil | |||
| Toʻliq ismi | Ivan Bebek | ||
|---|---|---|---|
| Tavallud sanasi | 1977-yil 30-may | ||
| Tavallud joyi |
Riyeka, Xorvatiya Sotsialistik Respublikasi, Yugoslaviya | ||
| Milliy musobaqalar | |||
| Yillar | Liga | ||
| Prva HNL | |||
| Xalqaro musobaqalar | |||
| Xalqaro yillar | Tashkilot | ||
| 2003– | FIFA roʻyxatidagi hakam | ||
Bebek UEFA Chempionlar Ligasi guruh bosqichining uchta uchrashuvini boshqargan yagona xorvatiyalik hakam hisoblanadi. Ular qatoriga 2007–08-yilgi mavsumdagi SS Lazio — Verder Bremen, 2008–09-yilgi mavsumdagi Bordo — CFR Cluj hamda 2013–14-yilgi mavsumdagi Kopengagen — Yuventus uchrashuvlari kiradi. Shuningdek, u 2013-14-yilgi UEFA Chempionlar ligasi pley-off bosqichidagi Pari Sen-Jermen va Bayer Leverkuzen jamoalari oʻrtasidagi oʻyinni ham boshqargan.
Bebek FIFA U-17 Jahon chempionati 2007 musobaqasida hakamlik qilgan. Shuningdek, UEFA Euro 2008 turnirida toʻrtinchi rasmiy shaxs sifatida faoliyat yuritgan. U Futbol boʻyicha 2009-yilgi U-20 jahon chempionati uchrashuvlarida ham hakamlik qilgan hamda Hindiston Superligasi ishlash uchun taklif etilgan.
U Futbol boʻyicha 2010-yilgi jahon chempionati uchun hakamlikka nomzodlar roʻyxatiga kiritilgan[1].
Bebek Futbol boʻyicha 2026-yilgi jahon chempionati uchun hakamlikka nomzodlar roʻyxatiga kiritilgan[2].
Bahsli holatlar va faoliyatidagi voqealar
Ivan Bebek hakamlik faoliyati davomida bir necha bahsli holatlar markazida boʻlgan. 2016-yil 17-martda u UEFA Yevropa Ligasi doirasidagi Braga va Fenerbahche oʻrtasidagi uchrashuvni boshqargan. Uchrashuv davomida Fenerbahche futbolchilariga uchta qizil va sakkizta sariq kartochka koʻrsatgan, oʻyin esa Braga foydasiga 4:1 hisobida yakunlangan. Oʻyindan soʻng Fenerbahche klubi Bebekni Fenerbahchega nisbatan garazli hakamlik qilganlikda aybladi hamda UEFAdan uning telefon yozuvlari va moliyaviy holatini tekshirishni talab qildi. Shikoyat koʻrib chiqilgach, 2016-yil 12-iyunda UEFA hakamlar qoʻmitasi uni elita toifasidan birinchi toifaga tushirgan.
2021-yil 7-oktyabrda Xorvatiya futbol federatsiyasining intizom qoʻmitasi uning jurnalist bilan boʻlgan suhbatlari ommaga tarqalganidan soʻng Bebekni toʻrt oy muddatga chetlatgan. Suhbatlarda u Hajduk Split muxlislarini haqorat qilgani aniqlangan.
2022-yil 1-noyabrda Bebek UEFA Yevropa Ligasi guruh bosqichidagi Dinamo Kiyev va Fenerbahche oʻrtasidagi uchrashuvga toʻrtinchi rasmiy shaxs etib tayinlangan edi. Biroq uchrashuv oldidan u boshqa xorvatiyalik hakam Marin Vidulin bilan almashtirilgan va bu qaror yuzasidan UEFA rasmiy izoh bermagan[3].
Yana qarang
Manbalar
- ↑ List of prospective 2010 FIFA World Cup referees
- ↑ „Instagram“. www.instagram.com. Qaraldi: 2026-yil 25-aprel.
- ↑ „UEFA, Ivan Bebek'i Fenerbahçe maçından geri çekti - Son Dakika Spor Haberleri“. [www.ntv.com.tr](http://www.ntv.com.tr). Qaraldi: 2022-yil 14-noyabr.