Ivan Mushketov

Иван Василевич Мушкетов [1850.9 (21).1, Алексеевская станицаси, ҳозирги Волгоград вилояти — 1902.10(23). 1, Петербург] — рус геологи ва географи. Петербург кончилик институтини тугатган (1872), 1877-йилдан Геология қўмитаси адъюнкт-проф. 1874-75, 1877-80 йилларда Ўрта Осиёнинг геологиясини ўрганиб, бир неча фойдали қазилма конларини очган. Илмий изланишлари натижасини "Туркистон" асарида (1—2 т., 1886-1906) баён этди. М. Ўрта Осиёнинг геологик ва орографик тавсифини езди. Сирдарё водийсини ўрганди. 1881-йилда Г.Д.Романовский билан биргаликда Туркистоннинг геологик ҳаритасини тузди. М., шунингдек, Кавказнинг геологик тузилиши, музликлари, минерал сувлари ва фойдали казилмаларини ўрганди. 1887 и. Верний (ҳозирги Олмаота) шаҳрида бўлиб ўтган кучли зилзиланинг сабаб ва оқибатларини тадқиқ этди. М. "Физик геология" қўлланмасини ҳам ёзган (1888—91). М. номига Сибир, Ўрта ва Марказий Осиёда бир қанча географик объектлар (Мушкетов тоғи, Мушкетов музлиги ва бошқалар) қўйилган.

Манбалар

• "Физическая геология" (ч. 1—2, СПБ, 1888—91, охирги нашри 1935); Верненское землетрясение 1887, СПБ, 1890.

Адабиётлар

• Вайнер Л. А., И. В. Мушкетов и его рол познании геологии Средней Азии, Т., 1954.