Ivan Rashevskiy
Иван Григоревич Рашевский (украинча: Іва́н Григо́рович Раше́вський; 1849-йил 27-январ, Чугуев, Змиев уезди, Харков вилояти — 1921-йил 21-июл, Чернигов) — украиналик рассом, ҳайкалтарош, танқидчи ва санъацҳунос. Чернигов украин қадимий ёдгорликлари музейи директори, Чернигов жамоат кутубхонаси асосчиларидан бири, Черниговда Тарас Шевченконинг биринчи ёдгорлигини ўрнатиш ташаббускори .
| Иван Рашевский | |
|---|---|
 | |
| Таваллуди |
27-январ 1849-йил Чугуев, Змиев уезди, Харков вилояти, Россия империяси |
| Вафоти |
21-июл 1921-йил (72 ёшда) Чернигов, Украина ССР |
| Фуқаролиги |
 Россия империяси Россия империяси  СССР |
| Касби | рассом, ҳайкалтарош, тандиқчи, санъацҳунос |
Биографияси
1849-йил 27-январда Харков вилоятининг Чугуев шаҳрида туғилган[1]. Рашевскийлар оиласи Чернигов вилояти Великие Осняки қишлоғида мулкка эга бўлганлиги сабабли, рассомнинг ҳаётининг кўп қисми гетманлар даври билан боғлиқ бўлган. 1873-йилда Киевдаги Авлиё Владимир университетининг юридик факултетини тугатгандан сўнг[1], Император Бадиий академиясига эркин тингловчи сифатида ўқишга қабул қилинган. Касби пейзажчи рассом. Шу билан бирга, Рашевский Парижга ташриф буюрган. 1875-йилда академияни тарк этиб, Украинага, Черниговга қайтиб келади. 1876—1879-йилларда Чернигов земство кенгашининг аъзоси, шунингдек, келиштирувчи судя лавозимида ишлаган. Киев, Санкт-Петербург, Чернигов шаҳарларида ўтказилган кўплаб кўргазмаларда фаол иштирок этган[1]. Асосан коллексия йиғиш билан шуғулланган. Унинг коллекциясидан Иля Репин, Василий Суриков, Михаил Жук расмлари, шунингдек, идишлар ва каштачилик маҳсулотлари жой олган. 1908-йилда Рашевский чет элга саёҳатга кетади ва саёҳат пайтида, яъни Қора денгиздан Грециягача бўлган ҳудудларда болиб, у ерларда бир қанча расмларни яратади: „Босфор“ (1908), „Сократ қамоқхонаси“ (1908) ва бошқалар. 1912-йилда Чернигов украин қадимий ёдгорликлари музейининг сақловчиси, кейинчалик эса директори бўлади. Умрининг сўнгги йилларини Черниговда Т. Г. Шевченко ҳайкали ўрнатиш устидаги ишга бағишлайди. Иван Рашевский 1921-йил 20-июлдан 21-июлга ўтар кечаси вафот этади, Вознесенская черкови қабристонига дафн этилган[2].
Ижодий мероси
Украина Тасвирий санъат академияси томонидан тақдим этилган Иван Григоревич Рашевский асарлари каталогида жами 170 дан ортиқ буюмлар қайд этилган[3][4]. Улуғ Ватан уруши йилларида Иван Рашевскийнинг кўплаб асарлари йўқолган[1], ҳозирда Украина Миллий санъат музейи, Тарас Шевченко миллий музейи, шунингдек, Чернигов музейлари ва шахсий коллексияларда 40 га яқин асарлари сақланмоқда[5]. Рашевскийнинг машҳур асарларига „По Десне“ (1889), „Десн“, „К экзамену“, „Пруд в саду“ (1892), „В крестянском доме“, „На Спаса“ (1900) расмлари, „Портретная скулптура музиканта Длусского“ (1889), „Попришчин“ (1892) ҳайкаллари, Т. Шевченко ҳайкали учун лойиҳалари (1921) киради.
Манбалар
- ↑ 1,0 1,1 1,2 1,3 „Иван Григорьевич Рашевский“. Қаралди: 2024-йил 28-май.[сайт ишламайди]
- ↑ Цей факт встановлено завдяки повідомленню наукового співробітника Чернігівського історичного музею Є. М. Шпілевського, який знайшов некролог про І. Г. Рашевського в чернігівській газеті «Известия» за 1921 р.
- ↑ Карнабіда А. А. (2003). „Іван Рашевський — про що свідчать документи“ (украин). № 40. Гарт. 14-бет.
{{cите магазине}}: Cите магазине реқуирес|магазине=(ёрдам) - ↑ Карнабіда А. А. Іван Рашевський — про що свідчать документи / А. А. Карнабіда // Гарт. — № 40. — 23 вересня 2003. — С. 14
- ↑ Іван Рашевський. Каталог творів , Музейний простір, 6 вересня 2006