Ivan Shkvalov

Иван Павлович Шквалов (асл фамилияси —Самгин) (1899.1.1, Нижегородск губерняси — 1981, Тошкент) — актёр, режиссёр Ўзбекистон (1946) ва Тожикистон (1951) халқ артисти. Саҳнавий фаолиятини 1918-йил Нижегородск театр студиясида бошлаган. Кейинчалик Горкий, Саранск, Пенза, Иванов, Свердловск, Челябинск, Тоболск ва бошқалар театрларда ишлаган. 1933—46 йиллар Самарқанд рус драма театри, 1946— 58 йиллар Туркистон ҳарбий округи драма театрида актёр, режиссёр 1958-йилдан Тошкентдаги халқ радиотеатрида бош режиссёр Шквалов ўткир саҳнавий шакллар ва чуқур психологик талқин устаси сифатида танилди. Асосий роллари: Гай (Н. Погодин, "Менинг дўстим"), Василков, Телятев, Паратов (А. Островский, "Қутурган пуллар", "Сепсиз қиз"), Арбенин (М.Лермонтов, "Маскарад"), Сергей Луконин (К.Симонов, "Бизнинг шаҳар йигити"), Иван Рибаков (В. Гусев, "Иван Рибаков"), Горячев (Б. Смирнов, "Буга устидаги қалъа") ва бошқалар Ш. "Қутурган пуллар" (А.Островский), "Макр ва муҳаббат" (Ф. Шиллер), "Бегона бола" (Шкваркин), "Платон Кречет" (А.Корнейчук), "Майсаранинг иши", "Бой ила хизматчи" (Ҳамза) каби спектаклларни саҳналаштирган.