Ivanna Klimpush-Sinsadze
Иванна Орестовна Климпуш-Синсадзе (украинча: Іванна Орестівна Климпуш-Цинцадзе; 5-июл 1972-йил, Киев) — украиналик сиёсатчи, жамоат арбоби, Украина халқ депутати (2019 ва 2014—2016-йиллар). 2016-йил 14-апрелдан 2019-йил 29-августгача Украина бош вазирининг Европа ва Евро-Атлантика интеграцияси бўйича ўринбосари. ВИИИ чақириқ Украина халқ депутати (2014—2016).
Иванна Орестовна Климпуш-Синсадзе | |
|
| |
| Шахсий маълумотлари | |
|---|---|
| Таваллуди |
1972-йил 5-июл Киев, Украина ССР, СССР |
| Турмуш ўртоғи | Арчил Владимирович Синсадзе |
| Болалари | Соломия ва Мелания |
| Отаси | Орест Дмитровcиҳ Климпуш |
| Таълим | Михаил Драхоманов номидаги Миллий педагогика университети, Тарас Шевченко номидаги Киев Миллий университетининг халқаро муносабатлар институти |
| Касби | дефектолог-логопед, сиёсатчи |
| Фаолияти | сиёсат |
| Имзоси |
|
Биографияси
Ярослава ва Орест Климпушнинг қизи. Болалигида журналист бўлишни хоҳлаган, лекин онасининг талаби билан дефектолог-логопед соҳасига ўқишга киради[1]. 1991—1993-йилларда Старокиэвский тумани болалар ҳудудий тиббиёт бирлашмаси нутқ терапевти. 1992-йилда Гарвард университети (АҚШ) Гарвард Украина тадқиқот институтининг ёзги мактабида малака оширган. 1994-йилда Михаил Драхоманов номидаги Миллий педагогика университетини дефектология ва логопедия мутахассислиги бўйича тамомлаган. 1993—1994-йилларда Монтана стате университетида (АҚШ) халқаро муносабатлар ва халқаро ҳуқуқ йўналишида таҳсил олган. 1994—1999-йилларда Украина мустақил сиёсий тадқиқотлар маркази нодавлат ташкилоти лойиҳа менежери, халқаро алоқалар бўлими бошлиғи. 1997-йилда Тарас Шевченко номидаги Киев Миллий университетининг халқаро муносабатлар институтини халқаро муносабатлар мутахассислиги бўйича тамомлаган. Халқаро муносабатлар бўйича бакалавр даражасини, 1998-йилда эса халқаро муносабатлар бўйича магистр даражасини олган. 1999—2002-йилларда Шарқ-Ғарб институтининг Киев марказида лойиҳа менежери. 2001—2002-йилларда Шарқ-Ғарб институтининг Киев маркази директори вазифасини бажарувчи. 2002—2007-йилларда ББC радиосининг АҚШдаги (Вашингтон) ва Кавказдаги (Тбилиси) Украина хизмати мухбири. 2007—2009-йилларда „Украина халқаро ҳамкорлигини қўллаб-қувватлаш жамғармаси“ („Фонд Открой Украину“) халқаро хайрия ташкилотининг дастурлар бўйича директор ўринбосари. 2009—2011-йилларда „Украина халқаро ҳамкорлигини қўллаб-қувватлаш жамғармаси“ халқаро хайрия ташкилоти („Фонд Открой Украину“) директори бўлиб ишлаган. 2011-йилдан Ялта Европа стратегияси хайрия ташкилотининг директори. „Украина медиа маркази“ жамоат ташкилоти („Украина инқирози медиа маркази“), „Аспен-Украина битирувчилари ассоциацияси“ жамоат бирлашмаси бошқаруви аъзоси; „Иқтисодий тадқиқотлар ва сиёсий маслаҳатлар институти“ нодавлат нотижорат ташкилоти ва „Украина давлат сиёсати институти“ ННТ кузатув кенгашлари аъзоси. „Черноморский регион: сотрудничество и безопасност“ китобининг ҳаммуаллифи.
Оиласи
Эри Арчил Синсадзе, Соломия ва Мелания исмли қизлари бор[1].
Сиёсий фаолияти
ВИИИ чақириқ Олий радага сайловларда (2014) Петро Порошенко блокининг „Солидарност“ партиясидан 61-рақам билан парламентга киради. 2014-йил 27-ноябрдан 2016-йил 14-апрелгача халқ депутати бўлган. Украина Олий радасининг халқаро алоқалар қўмитаси раисининг биринчи ўринбосари, Украинанинг НАТО Парламент ассамблеясидаги доимий делегацияси раиси бўлган. 2016-йил 14-апрелда Украина Олий радаси Украина Вазирлар Маҳкамасининг янги таркибини тайинлайди, унда Климпуш-Синсадзе бош вазирнинг Европа ва Евроатлантика интеграцияси бўйича ўринбосари лавозимини эгаллайди. 2016-йил 18-апрелда Украина Вазирлар Маҳкамаси бош вазирнинг Европа ва Евроатлантика интеграцияси бўйича ўринбосари Иванна Климпуш-Синсадзени Украинанинг халқаро муносабатлари ва Европа интеграцияси учун масъул этиб тайинлайди[2]. 2018-йилнинг 1-ноябрида Украинанинг 322 фуқаросига, жумладан Климпуш-Синсадзега нисбатан Россия санксиялари жорий этилади[3]. 2019-йилги навбатдан ташқари парламент сайловларида „Европейская солидарност“ („Европа бирдамлиги“) партиясидан иштирок этган (партиявий рўйхатда 10-ўрин[4]). 2019-йил 29-август куни Украина Олий радаси Гройсман ҳукуматини истеъфога чиқаради ва Иванна Климпуш-Синсадзе эса бош вазир ўринбосари лавозимини тарк этади.
Манбалар
- ↑ 1,0 1,1 „Стратеги и бизнесвумен. 100 самых влиятельных женщин“. 2020-йил 21-мартда асл нусхадан архивланган. Қаралди: 2020-йил 13-март.
- ↑ постановлениэ КМУ № 296 от 18.04.2016
- ↑ „Помідори Фірташа, Ярош і син Порошенка: проти кого Росія запровадила санкції“ (ук). Би-би-си (2018-йил 1-ноябр). 2018-йил 1-ноябрда асл нусхадан архивланган. Қаралди: 2018-йил 1-ноябр.
- ↑ „Европейская солидарность назвала 50 кандидатов из своего списка“. ЛИГА.нет (2019-йил 13-июн). 2019-йил 10-июлда асл нусхадан архивланган. Қаралди: 2019-йил 13-июн.