Izooktan

Изооктан, C(CҲ₃)₃—CҲ₂—CҲ(CҲ₃)₂ — октан изомери, триметилпентан, бензин ҳиди келадиган рангсиз суюқлик; қайнаш температураси 99,24°, суюқланиш температураси — 107,38°, зичлиги 692 кг/м³, 500—570° да метан ва изобутилен ҳосил қилади. Саноатда диизобутиленни катализаторлар иштирокида гидрогенлаб олинади. Изооктан сувда эримайди, оддий органик эритувчиларда эрийди; бензол, метил ва этил спиртлар билан азеотроп аралашмалар ҳосил қилади. Изооктаннинг антидетанацион хоссаларини 100 бирликка тенг деб қабул қилинган, у октан сони деб аталади. Антидетонацион хоссалари юқори бўлган бензинлар олишда қўшимча сифатида ишлатилади.