Jaloliddin Azimov

Азимов Жалолиддин Азимович (1938-йил, 3-октябр, Андижон) – зоолог, Ўзбекистон Фанлар Академияси академиги (2000), биология фанлари доктори (1986), профессор (1988). Самарқанд қишлоқ хўжалиги институтини битирган (1958). Ўзбекистон ветеринария илмий-тадқиқот институтида (1964–1969), Ўзбекистон Фанлар Академияси Зоология институтида (1969–1978) катта илмий ходим, Республика паррандачилик илмий ишлаб чиқариш лабораторияси директорининг ўринбосари (1978-1989), Тошкент Давлат Университети биология ва тупроқшунослик факултети профессори (1989-1991), 1991-йилдан Ўзбекистон Фанлар Академияси Зоология институти директори. Азимовнинг илмий ишлари Ўзбекистон биогеоценозларидаги паразит организмлар фаунаси таркиби, шаклланиши ва биологик турли-туманлик эволуциясига бағишланган. У паразит – хўжайин тизими эволуцияси омиллари, турли умуртқалилар эндопаразитларининг ривожланиши ва фаунистик комплексларнинг пайдо бўлиш қонуниятларини аниқлаган.