Jamankul Jenchurayev

Жаманкул Женчураев
Таваллуди	Жаманкул Женчураевич Женчураев; 1907-йил 1-январ; Толди-Булоқ, Туркистон вилояти
Вафоти	1990-йил 2-ноябр; Фрунзе, Қирғизистон Республикаси
Касби	ёзувчи
Ижод қилган тиллари	қирғиз тили, рус тили
Фуқаролиги	СССР

Жаманкул Женчураевич Женчураев (1907-йил 1-январ, Толди-Булоқ, Туркистон вилояти – 1990-йил 2-ноябр, Фрунзе) – қирғиз ва рус тилларида ижод қилган қирғиз совет ёзувчиси.

Ҳаёти

Жаманкул Женчураев 1907-йилда Толди-Булоқ қишлоғида (ҳозирги Чуй вилояти, Чуй тумани) туғилган.

1927—1929-йилларда В. И. Ленин номидаги Бирлашган Ўрта Осиё ҳарбий билим юртининг отлиқ қўшинлар бўлимида ўқиган. Шу вақт ичида бир неча бор босмачилар тўдаларини йўқ қилиш операцияларида қатнашган.

1930-йилдан Қирғизистон ва Қозоғистон жанубидаги 68-оператив дивизион ОГПУ қўшинлари, Тожикистондаги 79-Қизил байроқли отлиқ полкида взвод командири бўлган.

1921-йилдан ВКЛСМ (комсомол) аъзоси. 1931-йилда эса КПСС (б) аъзоси бўлади.

1931—1933-йилларда Қорақум ва Манғишлоқ босмачи тўдаларига қарши операцияларда қатнашган. 1934-йилдан 1940-йилгача Қозоғистонда 49 ва Қизил байроқли Бахтинский чегара отрядлари заставаларида хизмат қилган.

1941-йил 4-декабрда НКВД Ғарбий фронти қўшинлари бошлиғининг буйруғи билан капитан Женчураев Москва мудофаасидаги жасорати учун маёр ҳарбий унвони билан тақдирланган. 1941-йил 19-декабрда СССР Олий Кенгаши Президиумининг Фармони билан жанговар топшириқни намунали бажарганлиги ва мард жасорати учун Қизил Байроқ ордени билан мукофотланади. Шу йилнинг оз’ида Қизил Юлдуз ордени ва „Жасурлик учун“ медали^[1] билан тақдирланган. Подполковник Женчураев истеъфога чиққанидан сўнг, рус ва қирғиз тилларида ўндан ортиқ китоблар, хотиралар ва эсдаликлар ёзган^[2].

Жаманкул Женчураев 1990-йил 2-ноябрда профилактик даволанаётганда, Фрунзе шаҳридаги махсус клиника бўлимида вафот этади. Бишкекнинг Ала-Арчин қабристонига дафн этилган.

Хотираси

Қирғизистон Республикаси Чегара хизмати Чуй чегара отрядига қарашли 2026-ҳарбий қисмга қарашли „Тўқмоқ“ чегара постига Жаманқул Женчураев номи берилган.

2011-йил 22-июн куни Жаманқул Женчураев истиқомат қилган уйнинг фасадига ёдгорлик лавҳаси ўрнатилади.

Манбалар

Ҳаволалар

Қирғизистондаги россиялик ватандошлар фаолиятини мувофиқлаштириш кенгаши^{[сайт ишламайди]}
Некролоқ

[1] Красная звезда. 27 августа 1941 года

[2] Джаманкул Дженчураев

[1]

[2]

Жаманкул Женчураев
Таваллуди	Жаманкул Женчураевич Женчураев 1907-йил 1-январ Толди-Булоқ, Туркистон вилояти
Вафоти	1990-йил 2-ноябр Фрунзе, Қирғизистон Республикаси
Касби	ёзувчи
Ижод қилган тиллари	қирғиз тили, рус тили
Фуқаролиги	СССР