Jamoa shartnomasi

Жамоа шартномаси — корхонада иш берувчи билан ходимлар ўртасидаги меҳнат, ижтимоий-иқтисодий ва касбга оид муносабатларни тартибга соладиган меъёрий ҳужжат. Иш берувчи билан жамоа шартномаси тузиш зарурлиги тўғрисидаги қарор қабул қилиш ҳуқуқига касаба уюшмаси (ўз вакиллик органи орқали), ходимлар ваколат берган бошқа вакиллик органи ёки бевосита меҳнат жамоаси умумий йиғилиши (конференсияси) эга.