Jannat qidirganlar
„Jannat qidirganlar“ — oʻzbek yozuvchisi Shuhrat qalamiga mansub roman. Ilk bor 1968-yil Toshkent shahrida chop etilgan. Bir necha marta turli nashriyotlarda, jumladan, Gʻafur Gʻulom nomidagi nashriyot-matbaa ijodiy uyida hamda „Qaldirgʻoch“ nashriyotida qayta nashr etilgan. „Jannat qidirganlar“ romani „Oltin zanglamas“ romanining mantiqiy davomi hisoblanadi[1]. Roman oʻzbek oʻquvchilari orasida yaxshi tanilgan. Ayrimlar romanni Shuhratning shoh asari deb hisoblaydi[2]. „Qaldirgʻoch“ nashriyoti romanni „Oʻzbek adabiyoti oltin fondi“ turkumiga kiritgan[3].
|
Fayl:Jannat qidirganlar.jpg.webp yangi nashrlardan birining muqovasi | |
| Muallif(lar) | Shuhrat |
|---|---|
| Til | oʻzbekcha |
| Janr(lar)i | roman |
| Nashr etilgan sanasi | 1968 |
| Avvalgisi | „Oltin zanglamas“ |
„Jannat qidirganlar“ romanida vatangadolik fojealari badiiy ifodasini topgan. Xususan, romanda haqiqat (jannat) axtarib yashovchi kishilarning ikki xil koʻrinishi tasvirlangan. Romanda muallif Sovet Ittifoqi davrida inson haq-huquqlarining toptalishini oʻzi guvoh boʻlgan voqealarni umumlashtirgan holda tasvirlagan. Eʼtiqod, vatanparvarlik, vijdon amrini har bir kishining jamiyatdagi mavqei va insoniy qadr-qimmatini belgilovchi muhim maʼnaviy qadriyatlar sifatida talqin etgan. Roman nashr etilgandan keyin ayrimlar muallifni millatchilikda ayblagan[4].
Manbalar
- ↑ Усмонова, Н. „Тенгсиз матонат тимсоли“. ЎзА (19-aprel 2024-yil). Qaraldi: 24-sentabr 2025-yil.
- ↑ Soatova, N.I. (2021). „Бадиий тасвирда адибнинг эстетик қарашлари“. ФарДУ илмий хабарлари. 210–213-bet.
- ↑ Saydazzamova, Chamangul „«Stuli kresloga aylanishi»ni istovchi yoxud “Jannat qidirganlar” haqida asar“. Samarqand davlat universiteti. Qaraldi: 24-sentabr 2025-yil.
- ↑ „Shuhrat (1918–1993)“. Saviya (2017-yil 2-oktyabr). 2021-yil 29-noyabrda asl nusxadan arxivlangan. Qaraldi: 2020-yil 2-dekabr.
 | Kitobga oid uşbu maqola çaladir. Siz uni boyitib, ZiyoSferaga yordam berişingiz mumkin. |