Jasliq
Жаслиқ | |
|---|---|
| Қишлоқ (1975-йилдан шаҳарча) | |
| Мамлакат | Ўзбекистон |
| Регион | Қорақалпоғистон Республикаси |
| {{{туман_тури}}} | Қўнғирот |
| Расмий тил(лар)и | қорақалпоқча, ўзбекча |
| Аҳолиси (2011) |
3 968 |
| Миллий таркиб | қорақалпоқ, қозоқ, ўзбек |
| Вақт минтақаси | УТC+5 |
| Почта индекс(лар)и | 230608 |
Жаслиқ (Ёшлик) – Қорақалпоғистон Республикасининг Қўнғирот туманидаги шаҳарча (1975-йилдан). Аҳолиси 4,1 минг кишини ташкил этади (2000), қорақалпоқ, ўзбек, қозоқ, рус, татар, туркман ва бошқалар миллат вакиллари яшайди. Темир йўл стансияси мавжуд. Жаслиқда „Тулей“ газ компрессор стансияси, локомотив депоси, темир йўлни таъмирлаш корхонаси мавжуд. Жаслиқ орқали йўловчилар ташувчи халқаро поездлар қатнайди. Умумий таълим мактаби, клуб, маданий спорт мажмуаси, кутубхона, касалхона, дорихона, ҳаммом, нонвойхона бор. Жаслиқ ёнида қад. ипак йўли бўйидаги „Белевли“ карвонсаройининг қолдиқлари сақланган[1].
Инфратузилмаси
Жаслиқ қишлоғидан 9 км шимоли-шарқда собиқ ҳарбий аэродром мавжуд. Қишлоқ яқинида 1980-йилларда кимёвий қурол ва улардан ҳимоя воситаларини синовдан ўтказиш учун мўлжалланган саккизинчи кимёвий мудофаа стансияси ҳарбий полигони жойлаштирилган. Полигоннинг асосий ҳудуди Бейнеу-Нукус автомагистралидан шарқда, автомагистрал ва Орол денгизи оралиғида жойлашган. Майдони тахминан 30х40 км ўлчамдаги бешбурчак шаклида. Полигонда Нукус шаҳрида жойлашган ҳарбий қисмлар: кимёвий синов полки (44105-ҳарбий қисм) ва кимёвий қуролдан ҳимоя воситаларини ишлаб чиқиш маркази (26382-ҳарбий қисм) ҳарбий хизматчилари томонидан бошқарилган. Полигонни авиация билан таъминлаш учун Нукус аэродромида жойлашган 101-алоҳида синов авиация эскадрони (Ан-26 самолёти, Ми-8 вертолётлари) ишлатилган. Полигон ва аэродром қурилиши ҳарбий қурувчилар томонидан амалга оширилган. 11708 ва 01528-сонли ҳарбий қисмлар Жаслиқ қишлоғида жойлашган. Жаслиқ қишлоғидаги ҳарбий қисмлар 43177 (Нукус) ҳарбий қисмига бўйсунади.
1991-йил охири – 1992-йил бошида „Жаслиқ“ аэродроми, полигон ва иккита ҳарбий қурилиш бўлинмаси ёпилган. Ҳарбий хизматчилар Россияга олиб кетилган эди.
1999-йилда собиқ ҳарбий шаҳарча ва аэродром ўрнида диний экстремистик гуруҳлар фаолиятига алоқадор бўлган маҳкумлар учун қаттиқ тартибли „Жаслиқ“ (УЙА 64/71) колонияси ташкил этилган. Ўша йили Ўзбекистон Исломий Ҳаракати ва бошқа диний экстремистик гуруҳлар фаолиятига алоқадор бўлганлар орасидан биринчи маҳкумларни қабул қилган. 2008-йилда Ўзбекистонда ўлим жазоси бекор қилингач „Жаслиқ“да ўлим жазоси тўлиқ қамоқ жазосига алмаштирилган маҳбуслар сақланган[2]. Ўзбекистон президенти Шавкат Мирзиёевнинг 2019-йил 2-август кунги „Қорақалпоғистон Республикаси Ички ишлар вазирлигининг 19-сон ихтисослаштирилган Жазони ижро этиш колониясини тугатиш тўғрисида“ги қарори билан Қорақалпоғистон Жаслиқ қўрғонида жойлашган 19-сон ихтисослаштирилган жазони ижро этиш колониясини тугатиш белгиланган[3].
Диққатга сазовор жойлар
Жаслиқ темир йўл вокзалидан 67 км шимоли-ғарбда Устюрт платосида ўрта аср меъморчилиги ёдгорлиги Белеули карвонсаройи жойлашган[4]
-
Белеулининг ХХ асрдаги кўриниши -
Белеулининг ҳозирги кўриниши -
Белеули чизмаси
Аҳолиси
Жаслиқ шаҳарчаси аҳолиси 1979-йилда 2275 кишига етган[5]. 1989-йилда 3791 кишини[6], 2011-йилда 3968 кишини ташкил этган.
Манбалар
- ↑ ЎзМЕ. Биринчи жилд. Тошкент, 2000-йил
- ↑ Бологов, Петр „Бастилия на Устюрте. Шавкат Мирзиёев решил закрыть тюрьму «Жаслык»: почему это важно“ (русча) (5 августа 2019). Қаралди: 5-октабр 2023-йил.
- ↑ „Мирзиёев машҳур "Жаслиқ" қамоқхонасини тугатмоқда“. оз.спутникнеwс.уз. Қаралди: 5-октабр 2023-йил.
- ↑ Казахстан. Национальная энциклопедия. — Алматы: Қазақ энциклопедиясы, 2004. — Т. И. — ИСБН 9965-9389-9-7. 416-бет
- ↑ „Перепись-1979“. 2013-йил 12-февралда асл нусхадан архивланган. Қаралди: 2013-йил 24-январ.
- ↑ „Перепись-1989“. 2012-йил 4-февралда асл нусхадан архивланган. Қаралди: 2013-йил 24-январ.
 Қўнғирот тумани аҳоли пунктлари | ||
|---|---|---|
Маркази: Қўнғирот | ||
| Туман маркази |  | |
| Шаҳарчалари | ||
| Овуллари | ||
| Маҳаллалари | ||
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |