Jeneva bitimlari

Женева битимлари (1954) - АҚСҲ, Буюк Британия, ХХР, Франсия ва собиқ СССР ташқи ишлар вазирлари кенгашида (1954-йил 26 апрел — 21 июл) қабул қилинган битимлар (битимларни тайёрлашда ВДР, Камбожа, Лаос ва Жан. Ветнам вакиллари ҳам иштирок этган). Франсиянинг 1945-йил сентабрдан бошланган Ветнам, Лаос ва Камбожага қарши урушига нуқта қўйган. Корея масаласи, Ҳиндихитойда тинчлик ўрнатиш масалалари муҳокама этилган. Битимларда Ветнам, Лаос, Камбожа ҳудудидаги чет эл ҳарбий базаларини тугатиш, бу давлатларнинг ҳарбий блокларга аъзо бўлмасликлари кўрсатиб ўтилган. Ҳиндихитойда ҳарбий ҳаракатларни тўхтатиш, Лаос ва Камбожада 1955-йилда, Ветнамда 1956-йилда умумий эркин сайлов ўтказилиши таъкидланган. Ҳиндихитой давлатларининг ҳудудий дахлсизлиги ва мустақиллигини ҳурмат қилиш, ички ишларига аралашмаслик қайд этилган.